Wuhan
Wuhan (Hanzi sadarano: 武汉; Hanzi tradisional: 武漢) adolah ibukota provinsi Hubei, di Republik Rakyaik Cino.
Kota ko adolah nan tagadang di Hubei sarato tabanyak panduduaknyo di wilayah Cino Tangah, mancapai 11 juta jiwa, sabagai kota paringkek ka-9 tabanyak panduduaknyo di Cino, jo salah satu dari sambilan Kota Pusek Nasional di Cino. Namo "Wuhan" barasa dari sijarah kota ko nan adolah panggabuangan dari Wuchang, Hankou, jo Hanyang, nan sacaro basamo disabuik "Tigo Kota Wuhan" (武汉三镇). Kota ko talatak di bagian timur Dataran Jianghan, pado patamuan antaro Sungai Yangtze jo cabang tagadangnyo Sungai Han, nan tanamo juo jo sabuikan "Jalan Linteh Sambilan Provinsi" (九省通衢).
Paristiwa basijarah nan tajadi di Wuhan antaro lain adolah Pambarontakan Wuchang taun 1911, nan manyabaukan jatuahnyo Dinasti Qing jo badirinyo Republik Cino. Wuhan sampek manjadi ibu kota Cino pado taun 1927 di bawah pamarentah Kuomintang (KMT) sayok kida nan dipimpin dek Wang Jingwei. Kota iko kudian manjadi ibu kota Cino di maso parang salamo sapuluah bulan pado taun 1937, yaitu sapanjang Parang Cino-Japang Kaduo.
Panyakik koronavirus 2019 patamo kali dikanali di Wuhan pado Desember 2019.
Caliak pulo
Rujuakan
This article uses material from the Wikipedia Minangkabau article Wuhan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.