ឡូសអាន់ជ័រលេស (អង់គ្លេស: Los Angeles) ឬគេស្គាល់ជាពីអក្សរកាត់នៃឈ្មោះថា ឣិលឣេ (អង់គ្លេស: L.A.) គឺជាទីក្រុងដែលមានប្រជាជនច្រើនបំផុតដែលបានជាប់ចំណាត់ថ្នាក់ទី ២ នៅក្នុងសហរដ្ឋអាមេរិក និងគឺមួយនៃមជ្ឈមណ្ឌល សេដ្ឋកិច្ច វប្បធម៍ និងការកំសាន្ត ។ ឡូសអាន់ជ័រលេសត្រូវបានមានទីតាំងស្ថិតនៅក្នុងរដ្ឋកាលីហ្វញ៉ា និងរួចដុតក្រុងនៅថ្ងៃទី ៤ មេសា ឆ្នាំ ១៨៥០ ខណៈពេលមានចំនួនប្រជាជន ១.៦១០ នាក់ ។ នៅក្នុងឆ្នាំ ២០០០ យោងទៅតាមការធ្វើជំរឿនប្រជាជនឡូសអាន់ជ័រលេស មានប្រជាជនប្រមាន ៤ លាននាក់នៅទីប្រជុំជន និងនៅតំបន់ក្រៅក្រុងប្រមាន ១៧,៥ លាននាក់ ។ ឡូសអាន់ជ័រលេសត្រូវបានគេស្គាល់ថាជាទីក្រុងមួយដែលមានលាយចម្រុះរបស់វប្បធម៍ជាច្រើនបំផុតនៅក្នុងពិភពលោក ដោយសារតែការជម្លៀសរបស់សញ្ជាតិជាច្រើន ដោយសារតែអាកាសធាតុក្តៅ និងធម្មជាតិនៃជំនឿផ្សេងគ្នា ។
ឈ្មោះទីក្រុងឡូសអាន់ជ័រលេស (Los Angeles) /lɒs.ˈæn.dʒə.lɪs/ កើតមកពីពាក្យ "ឡូសអាំងគេលេស" (អេស្ប៉ាញ: Los Ángeles) /los.'aŋ.xe.les/ នៅក្នុងភាសាអេស្ប៉ាញ មានន័យថា ពួកទេវតាជាច្រើន គឺជាទម្រង់ពហុវចនរបស់ពាក្យ el ángel ដែលជាបុរស ដូច្នេះឈ្មោះទីក្រុងមានន័យថា "ទីក្រុងនៃពួកទេវតា" ។
ឡូសអាន់ជ័រលេសត្រូវបានគេស្គាល់ថាជាទីតាំងរបស់ ហូលីវូដ និងចុងនៃផ្លូវជាប្រវត្តិសាស្រ្ត រូ៉ទ ៦៦ ។ ក្រុមកីឡាល្បីល្បាញនៅក្នុងទីក្រុងគឺមាន ឡូសអាន់ជ័រលេសឡេកឹរ ។ នៅក្នុងទីក្រុងឡូសអាន់ជ័រលេស ត្រូវបានម្ចាស់ផ្ទះរៀបចំការប្រកួតកីឡាអូឡាំពិកសម្រាប់ពីរដង នៅក្នុងឆ្នាំ ១៩៣២ និងឆ្នាំ ១៩៨៤ ។ សាកលវិទ្យាល័យល្បីឈ្មោះដែលមានទីតាំងស្ថិតក្នុងឡូសអាន់ជ័រលេសគឺមាន សាកលវិទ្យាល័យកាលីហ្វញ៉ា ឡូសអាន់ជ័រលេស (UCLA) និង សាកលវិទ្យាល័យសឹធឹរ៍នកាលីហ្វញ៉ា (USC)
វិគីមេឌាទូទៅមានមេឌាដែលទាក់ទងទៅនឹង: Los Angeles |
This article uses material from the Wikipedia ភាសាខ្មែរ article ឡូសអាន់ជ័រលេស, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.