Los Angeles

Par numar di abitants, Los Angeles e je la seconde citât plui grande dai Stâts Unîts dopo di Gnove York. Inte sô aree metropolitane a vivin cirche 16 milions di personis. Come superficie, e je la prime citât de Americhe setentrionâl e une des plui grandis in dut al mont; di nord a sud, si estint par 100 chilometris. E fo une des primis citâts caraterizadis de urbanizazion di grandis areis cun cjasis unifamiliâts, robe che e à provocât il disvilup di une grandonone rêt di autostradis, e di un mont a misure di machine. E je une citât un grum famose e visitade; un dai puescj plui cognossûts al è il cuartîr di Hollywood, la scune de industrie dal cine merecan.

Su Wiki Commons al è disponibil contignût multimediâl relatîf a: Los Angeles