An Dek Gourc'hemenn (hebraeg עֲשֶׂרֶת הַדִּבְּרוֹת , asereth ha-dibroth, an Dek Komz) zo ul listennad urzhioù a zo e Testamant Kozh ar Bibl, levr nevet ar Yuzevien hag ar Gristenien.
Gourc'hemennoù Doue a reer anezho ivez er skridoù brezhonek.
Setu amañ ur berradur eus an dek gourc'hemenn evel m'emaint er Bibl (Ermaeziadeg XX,3-17 hag Adlezenn V,7-18),.
(Un droidigezh eeun diwar meur a yezh — war-bouez an henyezh orin — eo kement-mañ.)
1 Ne 'z po ket doueed all e-tal din | 2 Ne ri skeudenn ebet | 3 Ne doui ket anv da Zoue en aner | 4 Dalc'h soñj eus devezh ar Sabad, | 5 Enor da dad ha da vamm |
6 Ne lazhi ket | 7 Ne avoultri ket | 8 Ne laeri ket | 9 Ne ri falstesteni ebet | 10 Na c'hoanti na ti na gwreg da nesañ, |
E brezhoneg e oa bet lakaet ar gourc'hemennoù-se e stumm divwerzennoù evit aesaat an deskiñ d'ar vugale a ranke gouzout anezho dre an eñvor evit gallout ober o fask kentañ.
El Levr a gelennadurez kristen (Kemper- Brest 1932), anezhañ ur c'hatekiz bihan, e kaver skrid ar gourc'hemennoù-se, pajenn 117.
1 Un doue hepken a adori | 2 Hep kaoz e anv ne doui ket | 3 Miret a ri an holl sulioù | 4 Da dad, da vamm, a enori | 5 Ha mir ne lazhi den ebet |
6 Lubrik mir na vezi nepred | 7 En em ziwall diouzh laeroñsi | 8 Na gevier na falstesteni | 9 Madoù re all na zezir ket | 10 Na c'hoanta dre luksur pec'hiñ |
Arabat eo droukveskañ gant Gourc'hemennoù an Iliz, a zo c'hwec'h anezho.
This article uses material from the Wikipedia Brezhoneg article Dek Gourc'hemenn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.