Warsa
Awarsa inggih punika periode orbit Gumi mamargi ring orbit nyané ngiterin Surya.
Krana kamérengan sumbu Gumi, awarsa punika ngawinan wénten masan, kacihnain antuk pagentosan cuaca, jam tengai, miwah makrana ring végétasi miwah kalanusan tanah. Ring wawengkon maiklim sedeng miwah subkutub ring sajebag guminé, papat masan ketah nyané kauningin: masan semi, masan panés, masan aas miwah masan dingin. Ring wawengkon tropis miwah subtropis, masan nyané tan kapastika; menawi ring wawengkon tropis ngamasan, masan sabeh miwah gentuh ngawarsa kawéntenan nyané kapastika.
Satunggal warsa kaléndér punika kacawang akéh rahina saking periode orbit Gumi manados kaitung ring kalénder katentu. Kalénder Grégorian, utawi modérn, ngaturang warsa kalénder langkung becik manados warsa ketah (365 rahina) utawi warsa kabisat (366 rahina), taler sekadi kalénder Julian. Antuk kalénder Gregorian lantang rerata warsa kalénder (warsa rerata) rIng samian siklus kecosan jangkep 400 warsa punika 365,2425 rahina. Standar ISO ISO 80000-3, Annex C, ngadukung simbol "a" (Basa Latin annus) antuk ngawakilin awarsa punika 365 utawi 366 hari. Ring Basa Inggris, ketah kaancengang "y" miwah "yr", yén selehin ring Basa Bali dados "w" miwah "wr”.
Ring widang astronomi, Warsa Julian punika satuan kala; sané kadefinisiyang manados 365,25 rahina (86400 detik (satuan pokok SI)), antuk total tepat ipun 31557600 detik ring awarsa astronomi Julian.
Kruna "warsa" taler kaanggén antuk kala sané mapaiketan gomyong, menawi nénten idéntik sareng warsa kalénder utawi astronomi, minakadi warsa ngamasan, warsa fiskal, warsa akademik, msl. Punika taler, "warsa" prasida maartos periode orbit planet: minakadi, warsa Mars utawi warsa Venus punika conto saking kala sané kaperluang planet antuk satunggal transit orbit jangkep. Paistilah puniki taler prasida kaanggén antuk anggitan antuk periode utawi siklus lantang, sekadi Great Year.
Cingak taler
- Warsa mangkin: 2024
- Warsa Saka: 1946
- Lis warsa
- Kaléndér
Pustaka
Cutetan
Wacénan lantur
- Fraser, Julius Thomas (1987). Time, the Familiar Stranger (édisi ka-illustrated). Amherst: University of Massachusetts Press. ISBN 0-87023-576-1. OCLC 15790499.
- Whitrow, Gerald James (2003). What is Time?. Oxford: Oxford University Press. ISBN 0-19-860781-4. OCLC 265440481.
Pranala jaba
| Cingak informasi manut warsa ring Wikikruna. |
| Wikimédia Commons madué média indik Warsa. |
Mal:Sistem Kaléndér
This article uses material from the Wikipedia Bali article Warsa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Daging kasayagayang ring sor CC BY-SA 4.0 ritatkala nénten wénten uahan. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bali (DUHOCTRUNGQUOC.VN) is an independent company and has no affiliation with Wiki Foundation.