اون امر
اوْن امر(عربجه:وصايا عشر، عبرانیجه:עשרת הדברו، لاتینجا:Decalogus) دینی اعتیقادا گؤره موسی‌یا سینا داغیندا تانری طرفیندن ایکی داش لؤوحه‌سی اۆستونده وئریلدیگی سؤیلنن بیر سری دینی و اخلاقی تعلیملر بۆتونودور.
امرلر تورات چیخیش باب/۲۰ ده یئر آلیر.
امرلر
۱-مۆقابیلینده آیری بیر تانری اوْلمایاجاق.
۲-اؤزون اۆچون بوْت دۆزلتمه، یۇخاریدا گؤی‌لرده اوْلانین، یا آشاغیدا یئرده اوْلانین، یا یئرین آلتیندا سۇلادا اوْلانین هئچ صۇرتینی دۆزلتمه‌یه‌جکسن، اوْنلارا اییلمه‌یه‌جکسن و اوْنلارا عیبادت ائتمه‌یه‌جکسن.
۳-یهوه‌نین، تانری‌نین آدینی بوْش یئره آغیزا گتیرمه‌یه‌جکسن.
۴-سبت گۆنو تقدیس ائتمک اۆچون اوْنو خاطیرینده تۇتاجاقسان. آلتی گۆن ایشله‌یه‌جکسن و بۆتون ایشینی گؤره‌جکسن، فقط یئددینجی گۆن اَفندین ربّه سبتدیر. سن و یا اوْغلون، قیزین و نؤکر و کنیزین و حئیوانلارین و قاپیدا اوْلان غریبین هئچ بیر ایش گؤرمه‌یه‌جک. چۆنکو ربّ گؤی‌لری، یئری و دنیزی و اوْنلارادا اوْلان بۆتون زادلاری آلتی گۆنده یاراتدی.
۵-آتا و آنانا حؤرمت ائده‌جکسن.
۶-اینسانلاری اؤلدورمه‌یه‌جکسن.
۷-زینا ائتمه‌یه‌جکسن.
۸-اوْغورلوق ائتمه‌یه‌جکسن.
۹-قوْنشویا قارشی یالان شاهیدلیک ائتمه‌یه‌جکسن.
۱۰-قوْنشونون ائوینه طاماح ائتمه‌یه‌جکسن. قوْنشونون آروادینا، نؤکر و یا کنیزینه یا اؤکوزونه، ائششَگینه یا قوْنشونون هئچ بیر شئیی‌نه طاماح ائمه‌یه‌جکسن.
قایناق
ایستانبول تۆرکجه‌سی ویکی‌پدیاسی‌نین ایشلدنلری طرفیندن یارانمیش«On_Emir»، مقاله‌سیندن گؤتورولوبدور. (۲۴ اوْکتوبر ۲۰۱۶ تاریخینده یوْخلانیلیبدیر).
This article uses material from the Wikipedia تۆرکجه article اون امر, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.