Zanakandriana

Saika zanaka nateraky ny mpanjaka sy ny mpiray tampo amin' ny mpanjaka izy ireo, ary ireo andriana tian' ny mpanjaka hosokajiana ho Zanakandriana na noho ny hafa-drazana toy ny momba ny Andriandoriamanjaka. Marihina fa ny Zanakandriana dia mahazo manjaka, saingy maro amin' izy ireny no tsy hasandratra ho mpanjaka mihitsy noho ny antony maro, toy ny lalàna mifehy ny fifandimbiasana teo amin' ny fanjakana na noho ny fifandanjan-kery ka lasa anaram-boninahitra fotsiny sisa ny maha mahazo manjaka. Ohatra amin' izany, ny tera-dRadama I sy Rasalimo, na dia Zanakandriana aza dia tsy nahazo nanjaka satria ny lalàm-pifandimbiasana teo amin' ny fanjakan' andriana merina dia milaza fa tsy maintsy Merina ray sy reny vao mahazo manjaka. Toy izany koa, Andrianampoinimerina dia nilaza fa tsy maintsy ny tarana-dRangory sy Ralesoka no manjaka, koa ireo zanak' andriana tsy tafiditra amin' izany dia tsy hanjaka mihintsy. Tato aoriana dia nantsoina koa hoe Printsy na Printsesy ny Zanakandriana. Maro koa ny Zanakandriana no natao ho Andriamasinavalona.

(ny Andriantompokoindrindra sy ny taranak' Andrianjaka ary ny Andriandoriamanjaka).

• Zanakandriana

• Andriantompokoindrindra
• Andrianamboninolona
• Andriandranando
• Zanadralambo
• Zanadralambo amin' Andrianjaka
• Zazamarolahy
• Andriamasinavalona
• Andriantompokoindrindra
• Andrianamboninolona