Sikidy Zanahary
Ny Zanahary na Haky, araka ny fanaovana sikidy malagasy, dia ny tsanganan-tsikidy faharoa ambin'ny folo, isan'ireo tsanganan-tsikidy valo atao hoe tera-tsikidy, izay apetraka any amin'ny fàfana faharoa eo ambanin'ireo atao hoe renin-tsikidy, vokatry ny fampifanampiana ny soratry ny Ombiasa sy ny an'ny Tovolahy.
Misy vaniny efatra toy ny tsanganan-tsikidy malagasy rehetra ny Zanahary, misy "lohany" sy "tratrany" sy valahany" na "vaniany" ary "tongony".
Ny Zanahary dia mety hiseho ao amin'ny iray amin'ireo sora-tsikidy enina ambin'ny folo toy ny Tareky (1 1 1 1), ny Jama na Asombola (2 2 2 2), ny Asorasady (2 2 1 1), ny Alahasady (1 1 2 2), ny Alitsimay (2 1 1 2), sns.
Mba hahazoany ny soratry ny Zanahary ny mpisikidy dia manambatra ny isam-boan-tsikidy ao amin'ny soratry ny Ombiasa sy an'ny Tovolahy, ka ny fitambaran'ny lohan'ireo tsanganan-tsikidy roa ireo no lohany, ny fitambaran'ny tratran'ireo tsanganan-tsikidy roa ireo no tratrany, ny fitambaran'ny valahana na vanian'ireo tsanganan-tsikidy roa ireo no vaniany, ary ny fitambaran'ny tongotr'ireo tsanganan-tsikidy roa ireo no tongony.
Ny fampifanampiana ny isan'ny voan-tsikidy mifanandrify ao amin'ny soratry ny Zanahary sy an'ny Tale no ahazoana ny tsanganana Trano na Kiba (faha-16).
Manondro an'i Zanahary na Andriamanitra ny Zanahary na Haky.
Jereo koa
Tsanganan-tsikidy
Tale, Maly, Fahatelo, Bilady, Fianahana, Abily, Alisay, Fahavalo, Fahasivy, Ombiasa, Haja, Zanahary (na Haky), Asorotà, Tovolahy (Saily), Lalana, Trano (na Kiba).
This article uses material from the Wikipedia Malagasy article Zanahary (sikidy), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.