Tongolo
Ny tongolo dia zavamaniry ao amin' ny fianakaviana Amaryllidaceae (teo aloha nosokajina tao amin' ny Liliaceae).
Allium ny anarany ara-tsiansa. Mahatratra eo anelanelan' ny 260 sy 690 miparitaka indrindra any Eorazia sy any Amerika Avaratra ny karazan' ny tongolo. Io no hany ahitana karazany azo atao sakafo ao amin' ny Amaryllidaceae. Vondron-karazana manan-danja ao amin' ny fikarakarana sakafon' ny olombelona ny tongolo, izay ahitana zavamaniry fanao sakafo sy zava-manitra ary fanao fanafody maro. Anisan' io vondron-karazana io ny tongoloherana (Allium ampeloprasum var. porrum), ny tongolobe (Allium cepa), ny tongolo lay (Allium sativum), ny tongolomadinika (Allium ascalonicum), ny tongolo raviny (Allium schoenoprasum). Misy koa ny karazany fanao haingon-tanàna fa tsy fihinana.
Ny karazana sasany dia manana, ankoatry ny fananahana mila lahimbony sy vavimbony amin' ny alalan' ny voa, dia misy koa ny fomba fampitomboana taranaka azy amin' ny alalan' ny vatany.
Jereo koa
This article uses material from the Wikipedia Malagasy article Tongolo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.