Ny tendrombohitra Sinay na tendrombohitra Sinaia dia tendrombohitra any Egipta (na Ejipta) izay hita ao amin'ny tany efitr'i Sinay sady mahatratra 2 285 m ambonin'ny ranomasina.
Atao hoe جبل موسى / Djebel Musa (izay midika hoe "tendrombohitr'i Mosesy") izy amin'ny teny arabo, fa הר סיני / Har Sinai (izay midika hoe "tendrombohitra Sinay") kosa amin'ny teny hebreo, amin'ny teny arabo egiptiana kosa dia Gabal Musa.
Malaza io tendrombohitra io ao amin'ny lovantsofin'ny Baiboly noho izay voalaza fa toerana nihaonan'i Mosesy na Môizy tamin' Andriamanitra voalohany teo amin'ny roimemy nirehitra, araka ny voalaza ao amin'ny Bokin'ny Eksodosy na Eksaody (Eks. 3.1 - 4.17) sady nandraisany ny Didy Folo (Eks. 20.1-17) ary nandraisany lalàna maro hafa koa ho an'ny vahoaka hebreo (Eks. 19.1 - 31.18). Ankehitriny dia maro ireo toerana heverina fa nisehoan'io tantara io nefa ny toerana tena nisehoany dia tsy fantatra mazava.
This article uses material from the Wikipedia Malagasy article Tendrombohitra Sinay, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.