Ny tarika dia teny na andian-teny ao amin' ny fehezanteny izay ahitana teny fototra atao hoe loha-tarika sy teny na andian-teny miankina aminy mivantana na amin' ny alalan' ny mpampiankina (mpampiankin-teny na mpampiankina fehezankevitra).
Ny tarika dia azo omena anarana araka ny sokajin-teny misy ilay loha-tarika ka misy noho izany ny tarika anarana, ny tarika matoanteny, ny tarika faritoetra, ny tarika mpampiankin-teny, sns raha anarana, matoanteny, mpamaritra, na mpampiankin-teny, sns ilay loha-tarika.
Misy karazany maro ny terika ka ny manan-danja indrindra dia ny tarika anarana, ny tarika mpamaritra, ny tarika tambinteny, ny tarika mpampiankin-teny ary ny tarika matoanteny.
Ny tarika foronin' ny anarana sy ny teny na tarika mameno azy no anatao hoe "tarika anarana". Ireo teny mameno azy ireo dia mety ho famenon' ny anarana na mpanoritra na mpamaritra na teny amin' ny sokajy hafa na fehezankevitra mihitsy aza.
Ohatra:
Ny tarika foronin' ny mpamaritra sy ny teny na tarika mameno azy no anatao hoe "tarika mpamaritra". Ireo teny mameno azy ireo dia mety ho famenon' ny mpamaritra na teny amin' ny sokajy hafa (tambinteny sns) na fehezankevitra.
Ohatra:
Ny tarika foronin' ny tambinteny sy ny teny na tarika mameno azy no anatao hoe "tarika tambinteny". Ireo teny mameno azy ireo dia mety ho famenon' ny tambinteny na tambinteny hafa na teny amin' ny sokajy hafa.
Ohatra:
Ny tarika foronin' ny matoanteny sy ny teny na tarika mameno azy sady tsy azo foanana no anatao hoe "tarika matoanteny". Ireo teny mameno azy ireo dia mety ho famenon' ny matoanteny na tambinteny na mpamaritra na teny amin' ny sokajy hafa. Ampahatsiahivina fa ny famenon' ny matoanteny dia lazaina hoe "fameno zoina" raha ampifamalina amin' ny famenon' ny fehezanteny izay atao hoe "fameno toe-javatra".
Ohatra:
Ny tarika foronin' ny mpampiakin-teny sy ny teny na tarika mameno azy no anatao hoe "tarika mpampiankin-teny". Ireo teny mameno azy ireo dia mety ho famenon' ny mpampiankin-teny na teny amin' ny sokajy. Ny tarika mpampiankin-teny dia mety ho famenon'ny anarana, na famenon'ny matoanteny, na famenon' ny fehezanteny, na hafa.
Ohatra:
This article uses material from the Wikipedia Malagasy article Tarika (fitsipiteny), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.