Sokatra

Ny sokatra dia biby iray karazana amin'ny reptiles, Ahitana karazany 300 mahery izy ary azo zaraina vondrona 3 : ny sokatra an-tanety, ny sokatra an-dranomasina, ary ny sokatra sady afaka miaina an-tanety no afaka miaina anaty rano.

Sokatra
Chelonia mydas

Tantara

Inoana ho tamin'ny fotoanan'ny dinôzôro, 200 tapitrisa taona tany aloha tany no nisian'ny sokatra voalohany. Ady hevitra be ny momba ny tena razambeny marina.

Fiarovana

Ny ankabeazan'ny sokatra dia voaaro, koa amin'ny ankapobeny dia tsy azo atao araka izany ny miompy, mividy na mivarotra sokatra, ary indrindra indrindra ny manondrana azy ireny. Any andafy, dia azon'ny olona te hifandray akaiky amin'ny sokatra atao ny manatona ivon-toerana fiompiana sy fiarovana azy ireny ary mirotsaka ho mpanampy terem-panahy.

Misy fifanarahana CITES natao tany Washington mitanisa ny karazan-tsokatra tsy azo varotana. Sazy mafy no setrin'ny fandikana izany fitsipi-pifehezana izany.

Ny fahalotoan'ny tontolo iainana, ary singanina manokana amin'izany ny ateraky ny harona plastika, eo koa ny fampiasana harato ary ny fiovaovan'ny toetrandro no antony voalohany mahalany tamingana ny sokatra.

Sakafo

Maro samihafa ny sakafon'ny sokatra, arakaraky ny karazany. Ny sasany mihinana vilona, ny hafa mihinana hena, misy koa sady mihinana zavamaniry no mihinana nofom-biby.

Amin'ny ankapobeny dia mihinana zavamaniry ny sokatra an-tanety : ravinkazo na voankazo samihafa, mety hiampy sifotra koa indraindray. Tsy tokony homena hena, nofon-trondro, sakafon'alika na sakafon-tsaka, paty, vary, mofo na ronono izy ireny; hohaniny soa aman-tsara ireny kanefa tena mety hanimba ny fahasalamany (mampiova endrika ny carapace, mampihena ny fahelam-piainany...).

Nefa ny sokatra an-drano indray dia sady mihinana zavamaniry no mihinana henam-biby ihany koa. Matetika dia amin'ny fahatanorany izy no mihinan-kena ary manjary mizatra zavamaniry arakaraky ny handrosoan'ny taonany ...

Tomban-taona iainana

Marina fa ela velona ny sokatra, nefa vitsy ihany kosa ny maharitra taonjato iray. Ny salanisam-pahaveloman'ny sokatra dia eo amin'ny 50 taona eo ho eo. Anisan'ny voatahiry amin'ny fahela velon'ny sokatra ny an'i Harriet, sokatra mankadiry iray avy tany amin'ny nosy Galapagos.

lahy sa vavy

Mahatsikaiky ny mahalahy na mahavavy ny sokatra sasany : raha akotrika ao anaty fasika mangatsiatsiaka (20 °C) na mafana be (40 °C) hono ny atodiny dia miteraka sokatra vavy, nefa raha mari-pana antonontonony kosa dia manome sokatra lahy.

Afaka fantarina ihany koa ny sokatra efa lehibe hoe lahy na vavy. Ho an'ny lahy dia somary milentika ny kibony raha toa mivoitra kosa izany ho an'ny vavy. Sady manamora ny firaisana izany no manamora ny fanatodizana ihany koa. Ny hohon'ny sokatra lahy koa dia somary mibiloka sy lava, saingy mahitsy sy fohy kokoa kosa ny an'ny vavy. Fanampin'izay dia lehibe kokoa ny rambon'ny sokatra lahy raha miohatra amin'ny sokatra vavy.

Ny sokatra vao foy dia tsy fantatra na lahy na vavy. Mila miandry eo amin'ny 3 na 4 taona eo vao afaka inoana ny mahalahy na vavy azy.

Arribada

Amin'ny fotoana maha-iva indrindra ny ranomasina sy ny onja, dia miara-manatody ny sokatra eny amin'ny morontsiraka. Io no atao hoe arribada.

Foto-kevitra momba ny sokatra e

Amin'ny fisainana tatsinanana dia midika fahendrena, fahela velona, tsi-fahafatesana, ary ny Tany ny sokatra.

Rohy ivelany

Jereo koa

sehatra momba ny sokatra eto madagasikara

sehatra miteny anglisy

Sehatra amin'ny teny alemanina

  • "Cuora amboinensis Kamaroma", Rui Pessoa,2007, Lisbon, Portugal

Faszination Schildkröten (Stefan Kundert) Archived Aprily 24, 2006 at the Wayback Machine - Fiompiana Geochelone carbonaria

Sehatra amin'ny teny italiana

Sehatra amin'ny teny espaniola

Sehatra amin'ny teny neeralandey (Pays Bas)


Sehatra momba ny lalàna

Sehatra ahitana sary ahafahana mamantatra ny karazan'ny sokatra iray

Sehatra momba ny fiarovana ny sokatra an-dranomasina

Ny krizy lehibe mahazo ny sokatra any Azia

Sehatra hafa

Tags:

Sokatra TantaraSokatra FiarovanaSokatra SakafoSokatra Tomban-taona iainanaSokatra lahy sa vavySokatra ArribadaSokatra Foto-kevitra momba ny sokatra eSokatra Rohy ivelanySokatra Jereo koaSokatraBiby

🔥 Trending searches on Wiki Malagasy:

Randriamamonjy FrédéricAntananarivoEoklidaBunceyFamadihanaEvanjelisma eto MadagasikaraFiteny antesakaFilazam-potoana (fitsipiteny)Mpisolo tena (fitsipiteny)JiosySifakaBBCFlorencia1870Précy-sous-ThilPôlônia1976Epistily ho an' ny Rômana1600FilôzôfiaAndro faranyFanjakana (Beroroha)HelfautMississipi (renirano)TriniteAristôtyVoayEpistily voalohany nosoratan' i JoanyFiangonana Protestanta Vaovao eto Madagasikara1926Baruch SpinozaBrexitLigny-sur-CancheKnut HartwigTantaran' ny Repoblika Demôkratikan' i KôngôSinaTiorka (vahoaka)TetezanaDavida (mpanjaka)Ranomasina MatyAugustus Owsley StanleyFanekem-pinoana nikeanaFanahy Masina (kristianisma)Kroazada voalohanyGidroOlik'aratraJan HusPrôtônaZanak' Andriamanitra (kristianisma)Éric CantonaMontigny-sur-Aube1807ZebraFifohazana (kristianisma malagasy)PlastikaGanaganaAlakaosyRameva tokan-trafoEglizy Katôlika Apôstôlika Rômanina (Madagasikara)SarielaIndiaZhongxiang800MalaoỳZavakantoFototenyLongueville, Pas-de-CalaisAlakaraboFiteny malayFandraisanaFiangonana Ara-Pilazantsara eto MadagasikaraMpanoritra267🡆 More