Ny Ondrilahy dia antokon-kintan'ny zôdiaka izay andalovan'ny masoandro amin'ny 19 Avrily hatramin'ny 14 Mey.
Eo anelanelan'ny antokon-kintan'ny Hazandrano eo andrefany sy ny an'ny Ombilahy eo atsinanana izy. Ny Ondrilahy, izay atao hoe Aries amin'ny teny latina, dia iray amin'ireo antokon-kintana miisa valo amby efapolo hitan'i Ptolemeo. Amin'ny teny frantsay dia atao hoe Belier io antokon-kintana io.
Io antokon-kintana io dia atao amin' ny teny arabo hoe االحمل / Al-Hamal ("ondrilahy") izay niavian' ny anaram-bintana sy volana malagasy hoe Alahamady (na Alahamaly amin' ny faritra maro eto Madagasikara). Amin' ny teny grika izy dia ata hoe Κριός / Krios. Amin' ny fiteny soahily dia atao hoe Hamal na Kondoo io antokon-kintana io. Amin' ny teny maley kosa dia atao hoe Hamal na Biri-biriihany koa izy.
Rehefa nampiasaina amin'ny fanandroana ny antokon-kintana dia nanome ny iray amin'ireo evan'ny zôdiaka mikisaka ho anarany io anaran'antokon-kintana io nefa amin'izao fotoana izao dia efa tsy mifanandrify amin'ny fotoana fandalovan'ny masoandro amin'ny fari-danitry ny antokon-kintana Ondrilahy ny fotoana andalovan'ny masoandro ao amin'ny evan'ny Ondrilahy izay manomboka eo amn'ny 21 Marsa ka miafara amin'ny 20 Avrily.
Antokon-kintan' ny zôdiaka:
Evan' ny zôdiaka:
Vintana ao amin' ny fanandroana malagasy:
This article uses material from the Wikipedia Malagasy article Ondrilahy (antokon-kintana), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.