Ny Ombiasa na Ombiasy na Mbiasa, araka ny fanaovana sikidy malagasy, dia ny tsanganan-tsikidy fahafolo, isan' ireo tsanganan-tsikidy valo atao hoe tera-tsikidy, izay apetraka any amin' ny fàfana faharoa eo ambanin' ireo atao hoe renin-tsikidy, vokatry ny fampifanampiana ny soratry ny Fahasivy sy ny an' ny Haja (na Haza).
Misy vaniny efatra toy ny tsanganan-tsikidy malagasy rehetra ny Ombiasa, misy "lohany" sy "tratrany" sy "valahany" na "vaniany" ary "tongony".
Ny Ombiasa dia mety hiseho ao amin' ny iray amin' ireo sora-tsikidy enina ambin' ny folo toy ny Tareky (1 1 1 1), nyJama na Asombola (2 2 2 2), ny Asorasady (2 2 1 1), ny Alahasady (1 1 2 2), ny Alitsimay (2 1 1 2), sns.
Mba hahazoany ny soratry ny Ombiasa ny mpisikidy dia manambatra ny isam-boan-tsikidy ao amin' ny soratry ny Fahasivy sy ny an' ny Haja, ka ny fitambaran' ny lohan' ireo tsanganan-tsikidy roa ireo no lohany, ny fitambaran' ny tratran' ireo tsanganan-tsikidy roa ireo no tratrany, ny fitambaran' ny valahana na vanian' ireo tsanganan-tsikidy roa ireo no vaniany, ary ny fitambaran' ny tongotr' ireo tsanganan-tsikidy roa ireo no tongony.
Ny fampifanampiana ny isan' ny voan-tsikidy mifanandrify ao amin' ny soratry ny Ombiasa sy Tovolahy (na Saily) no manome ny tsanganana Zanahary na Haky (faha-12).
Ny Ombiasa dia manondro tokoa ny ombiasa na ombiasy.
Tale, Maly, Fahatelo, Bilady, Fianahana, Abily, Alisay, Fahavalo, Fahasivy, Ombiasa, Haja, Zanahary (na Haky), Asorotà, Tovolahy (na Saily), Lalana, Trano (na Kiba).
This article uses material from the Wikipedia Malagasy article Ombiasa (sikidy), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.