Sikidy Lalana
Ny Lalana, araka ny fanaovana sikidy malagasy, dia ny tsanganan-tsikidy fahadimy ambin'ny folo, isan'ireo tsanganan-tsikidy valo atao hoe tera-tsikidy, izay apetraka any amin'ny fàfana faharoa eo ambanin'ireo atao hoe renin-tsikidy, vokatry ny fampifanampiana ny soratry ny Tale sy ny an'ny Maly.
Misy vaniny efatra toy ny tsanganan-tsikidy malagasy rehetra ny Lalana, misy "lohany" sy "tratrany" sy "valahany" na "vaniany" ary "tongony".
Ny Lalana dia mety hiseho ao amin'ny iray amin'ireo sora-tsikidy enina ambin'ny folo toy ny Tareky (1 1 1 1), ny Jama na Asombola (2 2 2 2), ny Asorasady (2 2 1 1), ny Alahasady (1 1 2 2), ny Alitsimay (2 1 1 2), sns.
Aorian'ny fahazoana ny tsanganana Fahavalo no ahazoana ny tsanganana Lalana: Tsy manao tokom-boan-tsikidy intsony ny mpisikidy fa manambatra ny isam-boan-tsikidy ao amin'ny soratry ny Tale sy ny an'ny Maly, ka ny fitambaran'ny lohan'ireo tsanganan-tsikidy roa ireo no lohany, ny fitambaran'ny tratran'ireo tsanganan-tsikidy roa ireo no tratrany, ny fitambaran'ny vanian'ireo tsanganan-tsikidy roa ireo no vaniany, ary ny fitambaran'ny tongotr'ireo tsanganan-tsikidy roa ireo no tongony. Apetraka somary ankavia kokoa eo ambanin'ny fàfana misy ny renin-tsikidy ny Fahavalo.
Ny fampifanampiana ny isan'ny voan-tsikidy mifanandrify ao amin'ny soratry ny Asorotà sy Lalana no ahazoana ny tsanganana Tovolahy (faha-14).
Manondro ny lalana, araka io anarany io, ny Lalana.
Jereo koa
Tsanganan-tsikidy
This article uses material from the Wikipedia Malagasy article Lalana (sikidy), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.