Ketuvim

Tsy afangaro amin' ny lazain' ny Kristiana hoe "bokin' ny olon-kendry" na "bokim-pahendrena" ny Ketuvim (midika hoe "Soratra") ao amin' ny Baiboly hebreo.

Ny teny hoe כְּתוּבִים / ketuvim na ketubim dia teny hebreo amin' ny endriny milaza maro, izay midika hoe "soratra".

Misy sokajy telo ny boky ao amin' ny Ketuvim, dia ireo ao amin' ny hoe סִפְרֵי אֶמֶת / Sifrei Emet sy ny hoe חמש מגילות / Hamesh Megilot ary ireo boky sisa.

Ny Sifrei Emet na Bokim-Pahamarinana

Ny teny hoe סִפְרֵי / sifrei dia midika hoe "horonam-boky". Ny hoe Emet dia fanafohezana ny fifanarakarahan' ny anaran' ny boky telo mitambatra ao aminy, nefa afaka midika hoe "fahamarinana". Telo ny boky ao amin' ny סִפְרֵי אֶמֶת / Sifrei Emet, dia ireto avy:

• Sefer Tehillim (ספר תְּהִלִּים) (Salamo)

• Sefer Mishlei (ספר מִשְלֵי)(Ohabolana)

• Sefer Iyyôb (ספר אִיּוֹב) (Jôba)

Ny Hamesh Megilot na Horonana Dimy

Misy dimy ny boky atao hoe Hamesh Megilot, izay midika hoe "horonam-boky dimy", dia ireto avy:

• Sefer Shir HaShirim (ספר שִׁיר הַשִּׁירִים) (Tononkira Fanaperana)

• Sefer Ruth (ספר רות) na Megillat Ruth (מגילת רות) (Rota)

• Sefer Eikhah (ספר אֵיכָה) (Fitomaniana)

• Sefer Qoheleth (ספר קֹהֶלֶת) (Mpitoriteny)

• Sefer Ester (ספר אסתר) na Megillat Ester (מגילת אסתר) (Estera)

Ny boky sisa

Tsy misy anarana manokana hanasokajiana azy ny boky sisa ao amin' ny Ketuvim izay miisa telo, dia ireto avy:

• Sefer Daniel (ספר דָּנִיֵּאל) (Daniela)

• Sefer Ezra wu Nekhem'ya (ספר עזרא נחמיה) (Ezra sy Nehemia mitambatra)

• Sefer Divrei haYamim (ספר דִּבְרֵי־הַיָּמִים) (Tantara)

Marihina fa mitambatra ho boky iray ny Bokin' i Ezra sy ny Bokin' i Nehemia izay misaraka ao amin' ny Baiboly kristiana, toraka izany koa ny Bokin' ny Tantara roa (1Tantara sy 2Tantara).

• Tanakh

• Torah

• Nevi'im
• Boky Ezra-Nehemia