I Jôsoa na Jôsoe dia ilay lehilahy nanampy an' i Mosesy (na Môizy) tamin' ny fitarihana ny Zanak' i Israely avy any Ejipta hankany amin' ny tany Kanaana sady lasa mpitarika an' io vahoaka io taorian' ny nahafatesan' i Mosesy.
Izy no ataon' ny lovantsofina jiosy sy kristiana ho nanoratra ny Bokin' i Jôsoa (na Bokin' i Jôsoe). Ny mpitsara Ôtniela no mandimby azy teo amin' ny fitarihana ny Israelita. Anisan' ireo mpaminanin' i Israely i Jôsoa.
Tamin' ny voalohany dia natao hoe "Hôsea zanak' i Nona" ny anaran' i Jôsoa. I Mosesy no nanova izany ho Jôsoa araka ny Bokin' ny Nomery (Nom. 13.16). Atao hoe יהושוע / Yehoshua, izay midika hoe "Mamonjy i Yeho (Iahveh)" ny anaran' i Jôsoa amin' ny teny hebreo, araka ny hita ao amin' ny Bokin' ny Deoterônômia (Deo. 3.21). Mitovy anarana amin' i Jesoa na Jesosy izy amin' ny teny hebreo, satria samy atao hoe Yehoshua.
Ôtniela - Ehoda - Samgara - Debora (vehivavy) - Gideona - Abimeleka - Tola - Jaira - Jefta - Ibzana - Elona - Abdona - Samsona - Ely - Samoela.
This article uses material from the Wikipedia Malagasy article Jôsoa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.