I Indôsina dia faritra eto amin' izao tontolo izao, izay tsy iza fa ny sakanosy eo anelanelan' i India sy i Sina, izay mahafaoka an' i Birmania (na Mianmara), i Tailandy, ny saikanosy Malacca, i Kambôdia, i Laôsy ary i Vietnamy.
Raha afintina ny hevir' io teny io dia tsy manondro afa-tsy i Kambôdia, i Laôsy ary i Vietnamy, izay nantsoina hoe "Indôsina frantsay" teo anelanelan' ny taona 1893 sy 1954. Ny hoe "Indosina britanika" koa dia nampiasaina hanondroana an' i Birmania tamin' ny vanimpotoan' ny fanjanahan-tany. Ny helodranon' i Bengaly sy ny ranomasin' i Andamàna ary ny andilan-dranomasin' i Malacca ao andrefana, ary ny tapany atsimon' ny ranomasin' i Sina no manodidina an' i Indôsina. Amin' ny heviny mivelatra kokoa dia manondro ny faritra an-taniben' i Azia Atsimo-Atsinanana, ny tapany atsimo amin' i Sina ary ny tapany atsinanana amin' ny zana-kôntinenta indiana ny hoe "Indôsina".
This article uses material from the Wikipedia Malagasy article Indôsina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.