Fitsapan-Kevi-Bahoaka
Ny fitsapan-kevi-bahoaka dia fomba amantaran' ny fahefana pôlitika ny hevitry ny olom-pirenena ao amin' ny vondrom-paritra na firenena iray mahakasika ny lalàm-panorenana na ny fepetra noraisain' ny fahefana iray na eritreretiny ho raisina, amin' ny alalan' ny fampanaovana fifidianana.
Fampandraisana anjara mivantana ny vahoaka amin' ny raharaha pôlitika ao amin' ny vondrom-paritra na firenena azy izany.
Matetika dia asaina mamaly amin' ny hoe "eny" na "tsia" ny olom-pirenena manoloana ny fanontaniana izay nofaritan' ny fahefana te hahalala ny hevitry ny vahoaka ny andinindininy aio amin' izany tolokevitra izany. Ny fanapahan-kevitra hampanao fitsapan-kevi-bahoaka dia mety avy amin' ny fahefana mpanatanteraka ao amin' ilay vondrom-paritra na ao amin' ilay firenena, na avy amin' ny fahefana mpanao lalàna, na avy amin' ny alalan' ny fangatahana ataon' ny vahoaka.
Matetika ny firosoana mankany amin' ny fahaleovan-tena pôlitika, izay mamorona fanjakana vaovao vokatry ny fisarahana avy amin' ny vondrom-paritra na firenena lehibe kokoa, dia mitaky ny famantarana ny hevitry ny olom-pirenena voakasika ao amin' ny fitsapan-kevi-bahoaka momba ny fanapahan-kevitra ny amin' ny hoavin' izy ireo ara-pôlitika.
This article uses material from the Wikipedia Malagasy article Fitsapan-kevi-bahoaka, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.