Ny fiteny rosina na fiteny rotena na fiteny rosniaka dia fiteny ao amin' ny fianakaviam-piteny slava atsinanana ikambanan' ny fiteny rosiana sy ny fiteny okrainiana ary ny fiteny bielorosiana.
Misy ny milaza fa fiteny mahaleo tena ny fiteny rosina, fa misy koa ny milaza fa endriky ny fiteny okrainiana ihany izy. Fiteny maty ny fiteny rosina ankehitriny, izay fitenin' ny vahoaka rosina taloha. Atao hoe fiteny karpatô-rotena (na karpatô-roteniana) na fiteny rotena vaovao (na roteniana vaovao) koa io fiteny io.
Amin' ny fanasokajiana ara-kaifiteny, ny fiteny rosina dia ao amin' ny fiteny slava atsinanana miavaka, na anisan' ny fiteny vitsy dia vitsy mpiteny. Atao hoe русиньскый язык / rusinskiy yazik izy amin' ny fiteny rosina.
Ny hanapahana hoe fiteny manokana na fitenim-paritra tokana na maro ao amin' ny fiteny okrainiana ny fiteny rosina dia mbola iadian-kevitra eo amin' ny mpahay teny na eo amin' ny mpanindrahindra tanindrazana amin' ny firehana isan-karazany (sahala amin' ny fiteny makedôniana manoloana ny fiteny bolgariana), na dia tsy fiteny ôfisialy ny fiteny rosina na rotena, na dia manana sata ôfisialin' ny fitenin' ny vitsy an' isa ekem-pisiana, indrinda ao Slôvakia ao amin' ny faritr' i Prešov.
This article uses material from the Wikipedia Malagasy article Fiteny rosina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.