Ny Fanjakan' i Boina na Fanjakan' Iboina (antsoina hoe Iboina) dia fanjakana malagasy niorina teto Madagasikara tamin' ny taona 1690 tany ho any ary nampidirina tamin' ny Fanjakana Merina tamin' ny taona 1840.
Tany amin' ny faritry ny Helodranon' i Boina any avaratra-andrefan' i Madagasikara no nisy azy io. I Mahajanga no tanàn-dehibe tao aminy. Iray amin' ireo fanjakana roa lehibe teo amin' ny Sakalava izy io, ka ny faharoa dia ny Fanjakan' i Menabe.
Niorin' ny mpanjaka Andriamandisoarivo ny Fanjakan' i Boina tamin' ny taona 1690 any ho any. Andrimandisoarivo dia zanak' i Lahifotsy, mpanorina ny Fanjakana Sakalava, ary nahazo izany fanjakana izany taorian' ny ady nifandimby hahazoana ny faritra avaratra, izay nanorenany ny fanjakany. Teo amin' ny Helodranon' i Boina any amin' ny faritra avaratra-andrefan' i Madagasikara no niorenany.
Tamin' ireo taona 1690 dia jiolahin-tsambo eorôpeana 500 teo ho eo no nanangana toby fiasana teny amin' ny morontsiraka avaratr' i Madagasikara. Andrianamboniarivo dia nanendry ho praiminisitra an' i Tom Similaho izay jiolahin-tsambo anglisy ny rainy ary vehivavy malagasy ny reniny.
Fotoana fohy taorian' ny taona 1832 dia nofehezin' ny Merina izy ary tafiditra tao amin' ny Fanjakan' i Madagasikara tamin' ny taona 1840. Ny mpanjakavavy Tsiomeko no nitondra farany ny Fanjakan' i Boina.
Ny mpanjakan' i Boina dia noheverina ho toy ny andriamanitra, manelanelana amin' ny andriamanitra sy ny razana. Azy ny tany. Any amin' ny farany avaratry ny Nosy dia nandoa hetra amin' i Boina ny Fanjakana Antankarana.
This article uses material from the Wikipedia Malagasy article Fanjakan' i Boina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.