Fjkm Tranovato Ambatonakanga

Ny FJKM Tranovato Ambatonakanga no trano fiangonana voalohany teo Madagasikara naorina tamin' ny vato . Ity trano fiangonana ity dia an' ny Fiangonan' i Jesoa Kristy eto Madagasikara (FJKM). Ny fiangonana amin' ny maha-tranovato azy kosa dia naorin' i James Sibree ary notokanan' ny mpanjaka Rasoherina tamin' ny 22 janoary 1867 . Voasokajy ho isan' ny vakoka na "Patrimoine Culturel de Madagascar" izy .

 

Ny toerana iorenan' ny tempolin' Ambatonakanga no nisy ny fonjan-dRasalama, ilay maritiora kristiana malagasy voalohany.

Tamin' ny 05 jona 1831 no nisy fotoam-pivavahana voalohany tao amin' ny fiangonan' Ambatonakanga . Mbola fiangonana hazo naorin' ny misiônera David Jones sy James Cameron no nisy tamin' izany fotoana izany .

Ny trano amin' izao fotoana izao dia naorin' i James Sibree ary notokanan' ny mpanjaka Rasoherina tamin' ny 22 janoary 1867, taorian' ny telo taona nanamboarana azy . Naorina izy io ho fanomezam-boninahitra ny maritiora kristiana tamin’ ny andron-dRanavalona I.

Nahazoana alalana ny fanamboarana azy noho ny fanomezan-dalan-dRanavalona II nanomboka tamin' ny fiandohan' ny taompolo 1850 momba ny fahafahana manorina trano vato. Eo amin' ny toerana namonoana an-dRasalama no notokanana ny taona manaraka ny tempoly iray hafa, dia ny FJKM Rasalama Maritiora Ambohipotsy.

Ireo trano roa ireo dia asan' ny mpanao maritrano James Sibree. 2,3 km ny elanelan' izy ireo, mandalo eo anoloan' ny lapan' ny Rova Manjakamiadana.

Nanomboka tamin' ny tapaky ny taompolo 1960 dia nampitodraina ny anaranan' i Joseph Rabetafika Mpitandrina (1873-1955) ny kianja anoloan’ ny fiangonana ho fanomezam-boninahitra ny mpitandrina Rabetafika izay nitondra tao Ambatonakanga nandritra ny 45 taona.

• FJKM Rasalama Maritiora Ambohipotsy
• Rafaravavy Rasalama