Bodisma Teravada

Vao tsy ela akory ny niorenany tao Andrefany raha mitaha amin' ny firehana zen na vajraiana.

Ny foto-pampianarana teravada dia manazava ny fomba atao hidiran' ny tena amin' ny fanafahana amin' ny alalan' ny fiovana ho arahant (olona nafahana vokatry ny fanarahana ny lalana ampianatin' ny Bodà na dia tsy manana ny fahalalana ny zavatra rehetra), ho bodhisattva (olona mikatsaka tokoa ho tonga bodà ka hampianatra amin' ny alalan' ny fanatanterahana ny pāramitā) na ho sambuddha ("bodà tongalafatra", olona izay miditra amin' ny fifohazana sy afaka mampianatra noho ny fananany fahazoana tongalafatra ny fampianaran' i Bodà).

Mitsipaka tanteraka ny fisian' ny Andriamanitra mpamorona sy mahery indrindra izany foto-pampianarana izany. Tsipahiny koa ny amin' ny famonjena azo amin' ny alalan' ny fanoloran-tena sy ny fivavahana amin' ny sisan-javatra avy amin' ny maty. Tsy misy afaka mahazo ny fahazavana ara-panahy avy amin' ny olon-kafa na zavatra hafa tsy ny tena samirery, ny tena samirery no tokony hitady ny marina, ka tokony harahina ny Ariya Aṭṭhaṅgika Magga ("Lalana Valososona Manan-kaja": teny marina, asa marina, fivelomana marina, ezaka marina, fahatsiarovan-tena marina, fifantohana ao amin' ny fifohazana, fomba fijery marina, ary eritreritra marina).

• Bodisma mahaiana - bodisma vajraiana - bodisma tibetana
• Bodisma hinaiana