I Bôsnia-Herzegôvina na Bôsnia sy Herzegôvina dia firenena ao Eorôpa Atsimo, ao amin’ ny Saikanosy Balkanika.
I Sarajevo no renivohiny. Ny tanàna lehibe indrindra dia ny renivohiny. Mirefy 51 197 km2 ny velaran-taniny ary miisa 3 839 737 ny mponiny araka ny fanisana natao tamin' ny taona 2011. Ny faritr'ora dia +1.
Be tendrombohitra ity firenena ity, izay ahitana an' i Maglic ao atsimo (manana haambo mirefy 2 387 m). Ao amin' ny faritra be horohoron-tany no misy an' ity firenena ity ka matetika iharam-pahavoazana noho izany.
Vahoaka isan-karazany no madrafitra ny mponina ao Bôsnia-Herzegôvina, ka ny Bôsniaka no betsaka indrindra (45 %), manaraka azy ny Serbiana na Serba (mihoatra kely ny 30 %), avy eo ny Kroatiana na Krôaty (15 %). Ny silamo sy ny kristanisma ôrtôdôksa ary ny katôlisisma no fivavahana be mpanaraka indrindra any.
Repoblika tao amin' i Iogôslavia taloha i Bôsnia-Herzegôvina. Tamin' ny nanambaràna ny fahaleovan-tenany tamin' ny taona 1995 dia voazara ho roa ilay firenena, dia ny Federasiôna Krôatô-Miozolmana, izay 51 %n' ny velaran-taniny, sy ny Repoblika Serbiana, izay 49 %n' ny velaran-taniny.
Firenena an-dalam-panarenana i Bôsnia-Herzegôvina ankehitriny satria ny ady tao Iogôslavia dia niteraka fandravana ny toekarenany. Taloha dia niroborobo ny taozava-baventy amokarana sy anodinana ny vy, ny vy anidina, ny tsỳ ary ny viraty, toy izany koa ny taozavatra momba ny simia, nefa rava ny ankamaron' ny fotodrafitrasa nenti-namokatra. Voafetra koa ny fahafaha-manao famokarana momba ny fambolena sy ny fiompiana noho ny vohon-tany mikintoana loatra: ny fiompiana ondry sy ny fitrandrahana ny ala no sehatr' asa mavesa-danja indrindra, ny famokarana voamadinika sy legioma ary voankazo no iompanan’ ny fambolena.
Firenena ao Eorôpa
Albania - Alemaina - Andôra - Aotrisy - Belzika - Bielôrosia - Bolgaria - Bôsnia-Herzegôvina - Danemarka - Espaina - Estônia - Fanjakana Mitambatra - Finlandy - Frantsa - Grisia (na Gresy) - Hôngria (na Hongaria) - Irlanda - Islandy - Italia - Jeôrjia - Kipra (na Sipra) - Krôasia (na - Krôatia) - Letônia - Liktenstaina - Litoania - Loksemborga - Masedônia Avaratra (na Makedônia Avaratra)- Malta - Môldavia - Môntenegrô - Nederlandy - Nôrvezy - Okraina - Pôlônia - Pôrtogaly - Tsekia - Romania - Rosia - San-Marîno - Serbia - Slôvakia - Slôvenia - Soeda - Soisa - Tsekia - Vatikàna.
Kôntinenta eto an-tany
This article uses material from the Wikipedia Malagasy article Bôsnia-Herzegôvina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.