Ankoay

Ny ankoay na vorombe na voromahery malagasy dia karazam-boromahery mpihaza amin' ny antoandro, tsy fahita afa-tsy eto Madagasikara, anisan' ireo vorona tsy fahita firy maneran-tany, anisan' ny karazam-borona fito mpihaza amin' ny antoandro tsy fahita firy.

Atahorana ho lany tamingana ity karazam-borona ity araka ny fanakilasian' ny Vondrona Iraisam-Pirenena ho an' ny Fitahirizana ny Zavaboary (frantsay: Union internationale pour la conservation de la nature -- UICN; anglisy: International Union for Conservation of Nature -- IUCN). Haliaeetus vociferoides ny anarany ara-tsiansa.

Ankoay
Ankoay ao Tsimbazaza

Ny anarany

Ankoay 
Ankoay roa ao amin’ ny farihy Ravelobe, ao amin' ny Valan-javaboarim-pirenena l Ankarafantsika

Amin' ny teny malagasy dia antsoina hoe ankoay ity vorona ity, nefa mety hantsoina hoe vorombe na voromahery malagasy koa. Amin' ny teny frantsay izy dia atao hoe pygargue de Madagascar fa amin' ny teny anglisy dia Madagascar fish eagle.

Ny mombamomba azy

Mirefy 60 hatramin' ny 70 sm ity vorona ity, 165 hatramin' ny 180 sm ny fivelaran' ny elany roa, milanja 2 500 g ny lahy ary 3 500 g ny vavy. Maniry volon-doha toa satroka ny vorona efa lehibe, ny vozony sy ny hatony miloko volondavenona fotsy misy volo vitsivitsy miloko manja, ny takolany fotsy, ny rambony fotsy misy tsipika manopy mainty. Ny sisa amin' ny vatany dia manja matroka misy manopy mena ary ny tongony fotsifotsy. Ny tsy mampitovy ny lahy sy ny vavy dia ny lanjany sy ny habeny: mavesatra sy lehibe kokoa noho ny lahy ny vavy.

Faritra misy azy

Ankoay 
Faritra eto Madagasikara misy ny ankoay

Tsy fahita afa-tsy eto Madagasikara ity karazam-borona ity. Eo anelanelan' ny 40 sy 70 ny isany, satria mila toerana malalaka sy filamindaminana ity karazam-borona ity amin' ny fananahany.

Sakafony

Trondro no tena fihinan' ny ankoay. Na izany aza, afaka mihinana biby mpikiky (voalavo sns) na voron-drano koa izy.

Jereo koa

Tags:

Ankoay Ny anaranyAnkoay Ny mombamomba azyAnkoay Faritra misy azyAnkoay SakafonyAnkoay Jereo koaAnkoayFiteny anglisyFiteny frantsayMadagasikaraVoromahery

🔥 Trending searches on Wiki Malagasy:

Ady Lehibe FaharoaKôkômbraAntankaranaFamadihanaFanomezana fiton' ny Fanahy MasinaRanomasinaWikipediaOhabolanaRadama VoalohanyMailakaFanahy Masina (kristianisma)SoisaSakaibeSamanismaKabaroLondonSan-MarînoAbidy malagasy1956AtidohaBlaogyAAngatra (aretina)Frank GehryFivavahana amin' ny razana1200OmbyTrondroVavakaFiloham-pirenena sy mpanjakan' i Madagasikara1955MadagasikaraFanagasianaAfrikaRafael NadalZorofirarazanaKônsily tao NikeaHasina (hery tsy hita maso)ArintanyTongoloheranaNosy LonjoFiteny malagasyISO 3166-1JonaZahaBabe PaleyAntesakaAntemoroKisoaFambolenaFianakaviana (fomba malagasy)KônfesySakalavaKaokazyRadama IIAurangzebParisyFanekem-pinoana apôstôlikaTafi-Piarovan' i IsraelyMediaWikiFanatontoloanaFiteny indônezianaFiteny anglisyAmerikaVokatry ny Fanahy MasinaRatsiraka DidierLolo vokatraHôngria🡆 More