Эрзя ломатть, Эрзятне — кунардонь Рав лангонь васень эряйхне, Суоминь кундьяста ломатть.
Эрзятне корхтайхть эрзянь кяльса, конась Суоми-Равонь кяльхнень эзда фкясь, Суоми-Угронь кяльхнень тъналть тарадоц. Соньдеенза малады мокшень эди маринь кяльхне.
Фкя пяледа кържа эрзянь ломатть эряйхть Мордовиянь республикса, Рузмасторонь Федерациеса, Рава лангса. Иля эрзят эряйхть иля аймакова: Самараса, Симбирень аймакса, Пензаса эди Татармасторса, Армениеса ди Америконь Соткссань эса.
Эрзять этнонимть юронза молихть иранонь валти (ираноннекс arsan - "алянь, аля"). Сембода кунардонь тяштькснень эса эрзя (арису) валсь васьфневи Казариень каганть Иосифонь (10 с.) Хасдай ибн Шафрутунди (ульсь явропонь сановникокс Абд ал Рахман III (912-961) и Хаккам II (961-976) испаниень калифненди сёрмасонза. Тя сёрмаса азондови, кодама калкт эряйхть Итильть (Равать) малава ди кит пандыхть каяфкс Казармасторти. Тяштьксса калкнень лемсна азфт тяфта: бур-т-с, бул-г-р, с-вар, арису, ц-р-мис". Улихть мяльхть, што эрзяттне лятфневсть сяда инголевок. Кепотьксонди, кунардонь греконь географне Страбона (аорсне) ди Птолемей (арсиитне) эсь тяштьксост тя валть азондозь ни. Арабонь географсь ди якайсь-шяяйсь Ибн-Хаукаль (10 с.) пачфнесь Arsaja(Ersaja) калкть колга, синь оцязорсна, кле, "Arsa" (Ersa) масторса", ся "масторса лама келазень, акша келазень кедняда, кивида". Эрзяттнень ("арджаттнень"), тяфта ина и мокшетнень колга сёрмадсь 14 сядокизонь ушетксста иранонь тонафтф ломанць Рашид ад Дин, "Рзяттнень" колга сёрмадсь ногаень ширязсь Юсуф. Сонь грамотац кучфоль Москуву 1548 кизоня.
Эрзянь этнонимсь сидеста васьфневи кунардонь сире пингонь лепнень эса: Эрзяй, Эрзей, Эрзямай, Эрзякай, Эрзют, Эрзиман,а синьцтост тусть ни фамилиятка: Эрзяев, Эрзин, Эрзямаев, Эрзякаев, Ерзюков, Эрзянинов, Эрзиманов, Эрзов, Эрзяйкин, Эрзюткин. Тяфтама фамилият эрзятне канихть тячемс.
This article uses material from the Wikipedia Мокшень (Mokshanj Kälj) article Эрзя (ломатть), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Сёрматфсь ули кода мумс CC BY-SA 4.0-са, кда илякс апак аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Мокшень (Mokshanj Kälj) (DUHOCTRUNGQUOC.VN) is an independent company and has no affiliation with Wiki Foundation.