Георги Сураев-Королев

Рузмасторонь сетенень казьф тиись (1982), Мордовиянь снтенень казьф тиись (1965). Рузмасторонь Композиторонь Сотксонь полаяй (1963), Мордовиянь Масторонь казнень лауреат (1973). Мокша.

Георги Сураев-Королев
шачень	19 апрельста 1922(1922-04-19)
шачема васта	Кулдым[d], Новофёдоровское сельское поселение[d], Сире Шяйгавонь аймак
куласть	23 февральста 2000(2000-02-23) (77 )
кулома васта	Саранош
мастор	Советонь Соткс

1956-1977 – Сараношень седямань тонафтома вастонь тонафты. Сёрмадсь вокалонь, келеса морамань, инструментонь лама жанрань покамат. Тяштсь «Мекольце судендама» фантастикань оратория келеса мораманди, солистонди, балетонди, лувиенди, симфониянь оркестранди (либреттось авторть, 1973), кафта струнонь квартет, налхкоманди седяма, морот, келеса морамат, налхкомат фортепианонди ди карзиенди. Лама тись мокшень фольклористикаса – лама вайгяльса морамась, моркшень калконь мороть ладонь ширец. Сёрматкшнесь калконь морот. Тись клеса мораманди мокшень калконь моронь ладямат. Содаф кода келеса морамань вяти, «Келу» ансамблять пуроптыец.

Тяштсь методиконь лезкст – «Седямань-морамань асуть касфтоманди башка текникт (системань сольфеджио 350 тонафтомпяльксса»), 1978. Сураев – Королёв аноклась кярькст: «Мордовиянь калконь морот» (Моску, 1957, марса Л.С.Кавтаськинонь мархта), «Мордовиянь калконь морот» (Саранош, 1969), «Мор мархта эрямаса» (1989), «Моран тейть, монь Мордовиязе» (1990). Сёрмадсь сёрмафкст ломаньтъналонь седямань сетенень кизефкснень коряс. 60-70-це кизотнень – Рузмасторонь КС пуромксонь полаяй ди Вяре Равань композиторонь вятихнень пуромксонь полаяй. 1965-1982 кизотнень вятезе Мордовиянь композиторонь пуромксть. Казьф Омбоце торпингонь 1 степенень орденца, «Отькорьшинь инкса» медальса.

Энциклопедия «Мордвась» Саранск, 2006 к. 657 л.

Тя апак шумордак сёрматфкссь. Ули мяльце сонь петнеманза ди поладоманза? Лезтт!