Мокша мастор (илякс Мокшень мастор) — эрямопингонь масторсь Шистяма Эуропса, Эуропонь Россия масторса.
Сон ащи Шистяма Эуропань арся вастса, Идемпаксянь вирьса, Ока ляйсь эди Дон ляйське ёткова, Хопра ди Воронеж ляйхнень лужадафксса. Тяниень пингста Мокша масторть явозе Мордовиять, Пензань, Томбунь, Рязанень эди Саратувонь аймакнень ёткова, кува марса эряйхть мокшет, руст, татархт, шокшет эди иля ломатть. Оцю ошне: Орозай, Норзяд, Темникав, Лашма, Ош, Мокшан, Тарбей, Кадом ди лият.
Кунардонь пингста Мокша масторонь эряйхне полаяфтольхть пефтома торпинге якай-шяяй ломаттнень эди ламалувксонь вьргятихнень мархта. Мокшень модатне (Кадом, Мурунза, Мокша, Онуза, Селикса ди илят оцязорксшисна сувсесть Хазаронь каганатс, Равань Булгархнень масторозост, Рузь ширязонзон модазост, Касимувонь канатс, эди юмась эсь отямшиснон XVI сядокизоста мокшень оцязорхнень-ширяснень Рузь оцязорти сюконямаснон меле. Кунардонь содаф мокшень ошне ульсть: Селикса, Норзяд, Мокшан, Кадом, Темникав.
Революцияда меле Мокша масторонь пяльксть сувафтозь Мордовиянь (Эрзя-Мокшень) автономонь аймакс, кона полафтфоль меле Мордовиянь автономонь республикакс.
Оцю ляйхть Мокша масторса: Мокша (кунардонь мокшень лемоц Ёв), Вад, Ока ляй, Хопра, Воронеж ляйсь.
This article uses material from the Wikipedia Мокшень (Mokshanj Kälj) article Мокша мастор, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Сёрматфсь ули кода мумс CC BY-SA 4.0-са, кда илякс апак аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Мокшень (Mokshanj Kälj) (DUHOCTRUNGQUOC.VN) is an independent company and has no affiliation with Wiki Foundation.