Калядань ши – кунардонь мокшень илась.
Роштувань ёткть ётафневсть калядань шит. Мокшень арьсемаса тя шиня шачсь сонць Шись. Тя шиня анасть цебярь сёра. Шабатне шить, а эзрай ломатть илять якасть кудста кудс, морсесть калядат, арьсесть кудазорхненди пара шумбраши, козя сёра од кизоста. Калядань морсихнень каванякшнезь модамарь, снав, капста, чивге мархта калядань пярякат. Морсихнень азорть кудонц вакска ётнемась лувондовсь аф цебярьс. Калядань морайхне марязь пряснон аф анцинякс а вярдень кучф ломанькс. Синь исть эняльде а вешсть каванямбяль. Кунардонь калядань моротнень морсезь вальмала эли кудонголе. Роштувань моротнень морсезь аньцек кудса. Роштувань карша калядань морсихне почерясть азорхнень лангс сёра ди иля видьмот. Сидеста калядань морсикс якасть урта ваныхне. Синь мархтост каннесть атякш эли сараз, сувасть куду, нолдазь кияксу атякшть. Кудазоравась андсы нармонтьке, тоса сонценьге нармоненза фалу улелельхть шумбрат эди топоцьтот. Шачемань-раштамань ширеть калядань морсихне няфнезь шамафкснонга вельде. Синь путнесть шамазост алашань эли офтонь шамафкст. Тиендсть эвфти шамафкстка. Шамафкс тиендсть керста эли кагодста, архнезь содса, петфнесть сюрот. Тиклать потмонц аропнезь, тиендсть варянят сельмонди, кургонди и щафнезь прязост. Тяниень пингста ароптф тиклать потмос кърьвястихть штатолня и кандсазь эвфтемкать кядьсост. Калядань морсихнень инголе мольсть Роштувань бабатне.
Калядань ши Википърдафксса |
This article uses material from the Wikipedia Мокшень (Mokshanj Kälj) article Калядань ши, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Сёрматфсь ули кода мумс CC BY-SA 4.0-са, кда илякс апак аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Мокшень (Mokshanj Kälj) (DUHOCTRUNGQUOC.VN) is an independent company and has no affiliation with Wiki Foundation.