Видьме Комор Каяма Озкс
Видьме комор каяма озкс — мокшень кудонь озкссь, конась ётафневсь эсь тъналса марстонь Кярядонь озкста меле.
Илять сембе пуромкшнесть куду, азорсь пякснезень кенкшнень, кърьвяснезе штатолть. Шкайужети путневсь мъзярошка видьмеятнень эзда, конат аноклафтольхть видьмонди. Азорсь озондсь сембонь инкса, эняльдсь шкайти аф шарфтомс сонь тъналонц эзда. Анась пара сёра, кшись сатоль аф аньцек тъналоть андомс а тага лездыфтома атянди максомска. Озондомда инголе пяксневсть нъльне турбатневок ванфтозь иняру вийсь кона прай видьмотнень лангс стакащемда варява лисемда. Озондомда меле азорсь сявондезень ня видьмотнень, нинге сявондсь мархтонза пяряка, сиволь, алхт, пачат ди калмосезень синь умасонза. Тяфтама озкста меле аф пельксоль лисемс сокама-видема. Кой-кона вастова видьмонь озкст ётафневсть башка тя эли тона сёрать видемста. Оцю сёронь кучи шкайхнень лемс печксесть маци, пильгонзон ди пакарензон калмосезь видеви умав. Каванямбяльхнень ёткса фалу ульсть алхт.
Кяльвалсь
- Орлов Н.П. Этнографические сведения о мордве Красно-слободского и Наровчатского уездов // Пенз. губерн. вед. 1876.
- Татьяна Девяткина Мокшэрзянь мифологиясь, Тартунь университет, 2002 ISBN 9985-867-24-6
- Мокшин Н.Ф. Религиозные верования мордвы. Саранск: Мордовское книжное издательство, 1998. — 254 с.
 | Тя апак шумордак сёрматфкссь. Ули мяльце сонь петнеманза ди поладоманза? Лезтт! |
This article uses material from the Wikipedia Мокшень (Mokshanj Kälj) article Видьме комор каяма озкс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Сёрматфсь ули кода мумс CC BY-SA 4.0-са, кда илякс апак аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Мокшень (Mokshanj Kälj) (DUHOCTRUNGQUOC.VN) is an independent company and has no affiliation with Wiki Foundation.