Seculo 18: Seculo
Le seculo 18 o le seculo XVIII es un seculo passate, in accordo con le calendario gregorian.
Illo comenciava le 1 de januario 1701, e finiva le 31 de decembre 1800. In le uso popular, iste periodo extende del 1 de januario 1700 a 31 de decembre 1799.
| Seculo 18 |
|---|
| instantia de: seculo |
| parte de: 2nd millennium[*] |
 |
| precedite per: Seculo 17 , succedite per: Seculo 19 |
| initio: 1701 , fin: 1800 |
| Commons: 18th century |
Le seculo 18 es cello del Illuminismo per excellentia. Le nove ideas nate in iste grande unde intellectual conduceva al Revolutiones american, francese e haitian. Politicamente, Grande Britannia e Francia esseva le poteres global maxime e crescente, durante que multe altere imperios reteneva importantia in lor spheras respective; vamos notar Russia, le Imperios Mughal e Maratha, China (directe alora per le dynastia Qing, e notabilemente per le imperator Qianlong), Espania e Portugal. Numerose guerras inter le poteres europee provocava conflictos anque in le Americas e Asia.
Le stilos baroc, rococo e neoclassic dominava le artes visual e musica. Le plus grande compositores del seculo include Bach, Haendel, Haydn, Mozart, Vivaldi e Gluck.
Importante philosophos del seculo include Voltaire, Rousseau, Hume e Kant. Inter le innovationes religiose del seculo era Judaismo hasidic (create per le Baal Shem Tov), le mysticismo de Swedenborg e Blake, e le elaboration del wahhabismo.
Le explorationes de James Cook habeva loco in iste seculo. Lavoisier establiva le fundationes del chimia moderne, e Carl von Linné scribeva obras seminal sur taxonomia e botania. Le ameliorationes del machina a vapor per James Watt rendeva possibile le comenciamento del Revolution industrial in Anglaterra verso le fin del seculo.
.jpg)
This article uses material from the Wikipedia Interlingua article Seculo 18, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.