Sulawesi
Sulawesi (anvet Celebes gwechall e yezhoù Europa) zo unan eus enezennoù brasañ Indonezia.
Emañ etre Borneo er c'hornôg, an inizi Maluku er reter hag inizi Timor ha Flores er su. An unnekvet enezenn vrasañ eo er bed, gant ur gorread a 174 600 km². Enni ez eus war-dro 15 milion a dud o chom ha rannet eo e c'hwec'h proviñs e-keñver melestradurezh.
Er c'hreisteiz emañ Makassar (anvet Ujung Pandang gwechall), kêr-benn an enezenn. Ur porzh bras e oa Makassar evit tud an Izelvroioù en amzer ma oa enezeg Indonezia en impalaeriezh trevadennel ar vro-se. Dre ar porzh-se e tremene spisoù an inizi Maluku a-raok bezañ kaset da Europa.
Ouzhpenn an tri c'hard eus annezidi Sulawesi zo muzulmiz. Kristenien zo ivez, e kornioù zo. Bougieg eo ar yezh a vez komzet ar muiañ met meur a yezh all eus ar memes kerentiad zo ivez.
War dachenn ar vevoniezh eo pinvidik-kenañ an enez, gant spesadoù plant ha loened eus tolead Aostralazia. Diwar ar 127 spesad bronneged a gaver e Sulawesi ez eus 79 na vezont kavet e lec'h all ebet er bed. Eizh park natur zo bet savet, en arvor dreist-holl.
This article uses material from the Wikipedia Brezhoneg article Sulawesi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.