Kecombrang, combrang utawa honje (Etlingera elatior) yaiku sejenis tanduran sebangsa jae (Zingiberaceae), nanging wite lewih gedhe lan dhuwur.
Kecombrang | ||||||||||||||
---|---|---|---|---|---|---|---|---|---|---|---|---|---|---|
Klasifikasi Ilmiah | ||||||||||||||
| ||||||||||||||
Binomial | ||||||||||||||
Etlingera elatior (Jack) R.M. Smith |
Kembang, wohe lan wijine biasa digawe kanggo bumbu utawa campuran jangan lan pecel. Asale, wong Sunda sing biasa nyebut honje. Jeneng liyane iku antarane kincung (Medan), kantan (Malaysia), lan kaalaa (Thailand).
Wite combrang gedhe, dhuwure nganti 5 m. Batang asline (rimpang) menjalar nang njero lemah, persis kaya rimpang laos sing gedhe; putih krem semu-semu jambon nalika enom. Godhonge amba-amba, kira-kira 20-90 cm × 10-20 cm, ijo lan semu wungu nang sisi ngisore.
Kembange, yaiku sing biasa disebut kecombrang, sering digawe campurane pecel (umpamane sing didol nang Stasiun Kroya). Nang Pekalongan, kembange iku digawe campurane megana, masakan khas daerah kene. Wohe rasane kecut lan wangi, biasa digawe campurane bumbu iwak (nang Sumatera Utara) utawa campurane sambel kanggo mangan iwak bakar (nang Jawa Barat).
Jenis sing sejene, kecombrang alas utawa kecombrang gedhe, (E. hemisphaerica (Bl.) R.M. Smith) uga dianggo bumbu utawa campuran jangan. Kaya jenenge, jenis kecombrang gedhe dhuwure tekan 7 m, lewih kasar, lan wohe lewih gedhe, 5 cm × 2,5 cm.
Wiki Commons nduweni galeri babagan: |
This article uses material from the Wikipedia Basa Banyumasan article Kecombrang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Banyumasan (DUHOCTRUNGQUOC.VN) is an independent company and has no affiliation with Wiki Foundation.