Kalendher Gregorian
Kalendher Gregorian kuwe kalendher sing sekiye paling akeh dienggo nang Dunia Barat.
Kalendher Gregorian kiye modifikasi sekang kalendher Julian. Sing ngusulna yakuwe Dr. Aloysius Lilius sekang Napoli-Italia, lan disetujui nang Paus Gregorius XIII tanggal 24 Februari 1582. Kuwe sebabe kalendher kiye banjur dijenengi Gregorian. Penanggalan taun kalendher kiye adhedhasar taun Masehi.
Kalendher kiye diciptakna jalaran kalendher Julian digagas kurang akurat, amarga wiwitan musim semi (21 Maret) soyo maju dadi perayaan Paskah sing uwis disarujuki wiwit Konsili Nicea I taun 325 ora tepat maning.
Bedane karo kalendher Julian
Sawijining taun nang kalendher Julian suwene 365 dina 6 jam. Tapi amarga Bumi ngubengi srengenge suwene mung 365 dina 5 jam 48 menit 46 detik, mulane saben milenium, kalendher Julian kelewihan 7 nganti 8 dina (11 menit 14 detik pertaun). Masalah kiye dipecahna nganggo dina kabisat sing madan sejen nang kalendher anyar kiye. Nang kalendher Julian, saben taun sing teyeng dibagi karo 4 dadi taun kabisat. Tapi nang kalendher Gregorian kiye, taun sing teyeng dibagi karo 100 mung dianggep dadi taun kabisat nek taun kiye uga teyeng dibagi karo 400. Misale taun 1700, 1800, lan 1900 dudu taun kabisat. Tapi taun 1600 lan 2000 kuwe dadi taun kabisat.
Masalah
Seuwise kalendher Gregorian dicanangna, ora kabeh negara gelem nganggo. Lagi pirang abad seuwise kiye, meh saben negara barat gelem nganggo. Contone Rusia sing tembe nganggo taun 1918. Dadine Revolusi Komunis Rusia sing sekiye dipengeti saben tanggal 7 November, diarani Revolusi Oktober.
Gereja Ortodoks nganti sekiye esih nganggo kalendher Julian.
Liya-liya
Wiwit tanggal 1 Januari 1622, 1 Januari ditetapna dadi wiwitane taun. Sedurunge saben negara Eropa nduwe wiwitan taun sing sejen-sejen.
Sasi
.svg)
Saben taun dibagi dadi 12 sasi:
| Penanggalan Gregorian | Suwene dina |
|---|---|
| Januari | 31 |
| Februari | 28/(29) |
| Maret | 31 |
| April | 30 |
| Mei | 31 |
| Juni | 30 |
| Juli | 31 |
| Agustus | 31 |
| September | 30 |
| Oktober | 31 |
| November | 30 |
| Desember | 31 |
| Total | 365/(366) |
Deleng uga
Pranala jaba
- (Inggris) FAQ tentang kalendher
- (Inggris) kalendher Abadi
This article uses material from the Wikipedia Basa Banyumasan article Kalendher Gregorian, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Banyumasan (DUHOCTRUNGQUOC.VN) is an independent company and has no affiliation with Wiki Foundation.