सोभियत सङ्घ

सोभियत सङ्घ (रूसी भाषा: Сове́тский Сою́з, सोवेत्स्की सोयूज; अङ्ग्रेजी: Soviet Union), जकर औपचारिक नाम सोभियत समाजवादी गणतन्त्रसभक सङ्घ (Сою́з Сове́тских Социалисти́ческих Респу́блик,सोयुज सोभेत्स्की सोत्सियालिस्तिचेस्की रेस्पब्लिक, Union of Soviet Socialist Republics) छल, युरेसियाक पैग भूभागमे फैलल एक देश छल जे सन् १९२२ सँ सन् १९९१ धरि अस्तित्वमे रहल । ओ अपन स्थापना सँ सन् १९९० धरि साम्यवादी पार्टी (कम्युनिस्ट पार्टी) द्वारा शासित रहल । संवैधानिक रूपसँ सोभियत सङ्घ १५ स्वशासित गणतन्त्रसभक सङ्घ छल मुदा वास्तवमे पुरे देशक प्रशासन आ अर्थव्यवस्थामे केन्द्रीय सरकारक कडा नियन्त्रण रहल । रूसी सोभियत सङ्घीय समाजवादी गणतन्त्र ( Russian Soviet Federative Socialist Republic) ई देशक सबसँ पैग गणतन्त्र आ राजनैतिक, सांस्कृतिक आ आर्थिक केन्द्र छल, एहिकारण पुरे देशक गहिर रूसीकरण भेल । एहिकारण रहल कि, विदेशमे सेहो सोभियत सङ्घके प्राय गल्ली 'रूस' कहि सम्बोधन करैत छल ।