निर्मल पुर्जा
निर्मल निम्स पुर्जा MBE (जन्म: १९८२/१९८३) एक नेपाली पर्वतारोही आ पूर्व गोर्खा विशेष नाव सेवा (एसबिएस) कऽ सैनिक छी, जे संयुक्त अधिराज्यक शाही नौ सेनाक एक विशिष्ट विशेष बल एकाई छी। निर्मल सन् २०१९ मे मात्र ६ महिना ६ दिनक कीर्तिमानी समयमे संसारक सम्पूर्ण १४ टा ८,००० मिटर सँ उँच हिमालय शिखरक सफल आरोहण करऽमे सफल भेल अछि।
| व्यक्तिगत जानकारी | |
|---|---|
| जन्म | १९८२/१९८३ म्याग्दी, नेपाल |
| राष्ट्रियता | नेपाली |
| जीवन-यात्रा | |
| आरम्भिक उमर | २९/३० |
| उल्लेखनीय चढ़ाई | एक सीजनमे (६ महिना ६ दिन आ न्यून्तापूरक अक्सिजन) ८००० मिटर सँ उँच सम्पूर्ण १४ टा शिखरक सफल आरोहण करऽवला पहिल व्यक्ति। सगरमाथा, लहोत्से आ मकालु शिखर मात्र ४८ घण्टामे सफल आरोहण केनिहार पहिल व्यक्ति। |
प्रारम्भिक जीवनी
निर्मल पुर्जाक जन्म म्याग्दी जिलाक समुद्री सतह सँ १६०० मिटर उपर रहल अन्नपूर्ण गाउँपालिकाक दाना गाममे सन् १९८३ मे भेल छल आ पालन पोषण विशेष करि चितवन जिलामे भेल छल। सन् २००३ मे ओ गोर्खा व्रिगेडमे सेवा आरम्भ केलक आ सन् २००९ मे विशेष नौ सैनिक सेवामे अपनाआपकेँ स्थापित केलक। ओकर बाद ओ ठण्डी मौसम युद्ध विशेषज्ञक रुपमे विशेष बलमे अपन स्थान बनौलक। सन् २०१८ मे ओ सैनिक सेवा सँ अवकाश लऽ अपन पुरा ध्यान पर्वतारोहण क्षेत्रमे केन्द्रित करि देलक।
सन् २०१२ मे ओ अपन पहिल सभ सँ पैग पर्वतारोहण परियोजना आरम्भ केलक आ बिना कोनो पूर्व अनुभवकेँ लोबुचे पूर्व हिमालयकेँ सफल आरोहण करऽमे सफल भेल छल। सन् २०१४ मई १८ कऽ दिन ओ अपन जीवनक पहिल आठ-हजारी हिमालयक रुपमे धौलागिरी हिमालय (८,१६७ मिटर)क सफल आरोहण मात्र १५ दिनमे केनए छल।एकर बाद ओ सन् २०१६ मई १३ कऽ दिन सगरमाथा हिमालयक सफल आरोहण केनए छल। सन् २०१८ मई १५ कऽ दिन पुर्जाद्वारा ब्रिटिश सेनाक २०० वर्षक गोर्खा सेवाक स्मरणक लेल १३ गोर्खा सैनिक सङ्गे मिल सगरमाथा आरोहण करवाक लेल गोरखा अभियान 'जी २०० ई' केँ नेतृत्व केनए छल।
सन् २०१८ जुन ९ कऽ दिन हुनका उच्च उचाई भेल पर्वतारोहणमे उत्कृष्ट काजक लेल महारानीद्वारा अर्डर अफ द ब्रिटिश एम्पायर (MBE) कऽ सदस्य नियुक्त कएल गेल छल।
प्रोजेक्ट पोसिबल १४/७
सात महिनामे १४ शिखरकेँ सफल आरोहण करवाक योजनाक सङ्ग, पुर्जा अपन पहिल आठ-हजारी शिखर आरोहणक आरम्भ सन् २०१९ अप्रैल २३ केँ दिन केलक आ सन् २०१९ मई २४ केँ अपन 'प्रोजेक्ट पोसिबल १४/७' कऽ पहिल चरणमे सात-शिखरक आरोहण पूर्ण केलक जहिमे अन्नपूर्ण हिमालय, धौलागिरी हिमालय, कञ्चनजङ्घा पर्वत, ल्होत्से हिमालय, मकालु हिमालय, सगरमाथा आ नङ्गा पर्वत छल।
सन्दर्भ सामग्रीसभ
बाह्य जडीसभ
This article uses material from the Wikipedia मैथिली article निर्मल पुर्जा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0 कऽ अन्तर्गत विषय सूची उपलब्ध अछि । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मैथिली (DUHOCTRUNGQUOC.VN) is an independent company and has no affiliation with Wiki Foundation.