कौशानी मुखर्जी (जन्म १७ मई १९९२) एक भारतीय अभिनेत्री छी जे मुख्य रूप सँ बङ्गाली चलचित्रमे अभिनय करैत अछि जकरा टलिउड चलचित्र उद्योगक रूपमे जानल जाएत अछि। ओ राज चक्रवर्तीद्वारा निर्देशित बोनी सेनगुप्ताक सङ्ग सन् २०१५ मे बङ्गाली भाषाक चलचित्र 'पारबोना आमी चारते तोके' सँ चलचित्र क्षेत्रमे पदार्पण केनए छल।
कौशानी मुखर्जी Koushani Mukherjee | |
---|---|
जन्म | |
व्यवसाय | मोडल, अभिनेत्री |
सक्रिय वर्ष | २०१५-वर्तमान |
पुरस्कार | मिस ब्युटी अफ कोलकाता |
मुखर्जीक जन्म १७ मई १९९२ कें पश्चिम बङ्गालक राजधानी शहर कोलकातामे भेल छल। कौशानीक पिताक नाम राणा मुखर्जी आ माताक नाम सङ्गीता मुखर्जी छल। कौशानीकें पिता राणा मुखर्जी भारतीय आयकर विभागमे अधिकारीक रुपमे काज करैत अछि। ओ पार्क स्ट्रीटमे अवस्थित एसेम्बली अफ गड चर्च स्कूल सँ प्रारम्भिक शिक्षा दीक्षा प्राप्त केनए छल आ उच्च शिक्षाक लेल हेरम्बा चन्द्रा कौलेजमे भर्ती भेल जतय सँ ओ वाणिज्य सङ्कायमे स्नातक उतिर्ण केनए छल। कौलेज सँ शिक्षा प्राप्त करि लेलाक बाद मुखर्जी अपन ध्यान मोडलिङ दिस केन्द्रित केलक आ बादमे ओ कोलकातामे आयोजित होमए वाला 'मिस ब्यूटी अफ कोलकाता' कऽ खिताब जीतऽ मे सफल भेल छल।
मुखर्जी अपन चलचित्र अभिनय करियरक शुरुआत सन् २०१५ मे राज चक्रवर्तीद्वारानिर्देशित बङ्गाली भाषाक चलचित्र 'पारबोना आमी चारते तोके' सँ केनए छल। ई चलचित्रमे मुखर्जी रोमान्टिक रुचि नामक किरदारक भूमिका निर्वाह केनए छल। सन् २०१६ मे, ओ राजा चन्दाद्वारा निर्देशित एक रोमान्टिक कौमेडी चलचित्र 'केलोर कीर्ति' मे नजरि आएल छल। केलोर कीर्ति नामक चलचित्रमे ओ एक धनी युवती अश्नुषकाक भूमिका निभेने छल, जकरा एक पत्रकार सँ प्रेम भऽ जाएत अछि। सन् २०१७ मे, ओ रवि किनागीद्वारा निर्देशित चलचित्रमे अभिनय केनए छल।
This article uses material from the Wikipedia मैथिली article कौशानी मुखर्जी, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0 कऽ अन्तर्गत विषय सूची उपलब्ध अछि । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मैथिली (DUHOCTRUNGQUOC.VN) is an independent company and has no affiliation with Wiki Foundation.