अन्तर्राष्ट्रीय योग दिवस २१ जुन कें मनाएल जाएत अछि । ई दिन वर्षक सभ सँ पैघ दिन होइत अछि आ योग सेहो मनुष्य कें दीर्घ जीवन प्रदान करैत अछि । पहिनुक बेर ई दिवस २१ जुन २०१५ कें मनाएल गेल, आ ई आरंभण भारतक प्रधानमन्त्री नरेन्द्र मोदीद्वारा दिनांक २७ सितम्बर २०१४ के संयुक्त राष्ट्र महासभामे कएल गेल छल ।
अन्तर्राष्ट्रिय योग दिवस | |
---|---|
आधिकारिक नाम | अन्तर्राष्ट्रीय योग दिवस International Yoga Day |
अन्य नाम | योग दिवस, विश्व योग दिवस |
समुदाय | विश्वभरि |
प्रकार | संयुक्त राष्ट्र |
अनुष्ठान | योग, ध्यान, सामूहिक मंथन, विचार-विमर्श, सांस्कृतिक आयोजन |
तिथि | २१ जुन |
मानाएल | वार्षिक |
पहिल बेर | २१ जुन २०१५ |
भारतक प्रधानमन्त्री नरेन्द्र मोदी दिनांक २७ सितम्बर २०१४ के संयुक्त राष्ट्र महासभा मे अपन भाषण मे कहलनि:
"योग भारतक प्राचीन परम्पराक एकटा अमूल्य उपहार थीक, ई मस्तिष्क ओ देहक समन्वयनक प्रतीक थीक; मनुष्य आ' प्रकृतिक बीच सामञ्जस्य अछि; ई विचार, संयम आ' स्फूर्ति प्रदान केनिहार थीक तथा स्वास्थ्य ओ उपकारक लेल एकटा समग्र दृष्टिकोण सेहो प्रदान केनिहार थीक । ई व्यायामक मादे मे नहि थीक, मुदा अपन बाह्य ओ आंतरिक एकताक भावना, दुनिया आ प्रकृतिक खोजक विषय मे थीक । अपन सभक परिवर्तित जीवन-शैली मे ई चेतना बनि, अपना सभ कें जलवायु-परिवर्तन सँ लड़बा'मे सहायता क' सकैत अछि । तँ आउ अहि अन्तर्राष्ट्रीय योग दिवसक स्थापनाक लेल ओहि दिशा मे काज करैत छी ।"
एकर बाद २१ जुन के अन्तर्राष्ट्रीय योग दिवस घोषित कएल गेल । ११ दिसम्बर २०१४ के संयुक्त राष्ट्र मे १७७ सदस्य देस द्वारा २१ जुनक दिन अन्तर्राष्ट्रीय योग दिवस मनाबैत रहबाक प्रस्ताव के मञ्जुरी भेटल । प्रधानमन्त्री मोदी द्वारा प्रस्तुत ई प्रस्ताव ९० दिनक भीतर पूर्ण बहुमत सँ पारित कएल गेल छल । ई संयुक्त राष्ट्र संघ मे कोनहु प्रस्तावक संपारण लेल सब सँ कम समय थीक ।
This article uses material from the Wikipedia मैथिली article अन्तर्राष्ट्रिय योग दिवस, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0 कऽ अन्तर्गत विषय सूची उपलब्ध अछि । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मैथिली (DUHOCTRUNGQUOC.VN) is an independent company and has no affiliation with Wiki Foundation.