पाग नेपाल आ भारतक मिथिला क्षेत्रमे बसोबास करऽवला मैथिलसभद्वारा माथ पर पहिरल जाएत अछि। एकरा हिन्दू वेद तथा संस्कृत भाषामे सिरवश्त्रम कहल गेल अछि। एकर प्रयोग मिथिलाक पारम्परिक सभ्यताक प्रदर्शित करैत अछि। ई सम्मान आ गर्वक प्रतीक अछि।
प्राचीन समयमे एकरा पात आदिसँ बनाएल जाएत छल, मुदा एखन एकरा कपड़ासँ बनाएल जाए लागल अछि। विशेष रूपसँ ई लाल, पियड़ अथवा उजर रङ्गक भैटेत अछि। पागक संस्कृति बचेवाक लेल विभिन्न अभियान चलाएल जा रहल अछि। कालान्तरमे मुख्य रूपसँ पाग मिथिला क्षेत्रक ब्राह्मण आ कायस्थ समुदायद्वारा लगाएल जाइत छल मुदा वर्तमान समयमे एकर प्रयोग मिथिलाक प्रत्येक समुदायद्वारा कएल जाइत अछि।लाल रङ्गक पाग दुल्हा आ पूजा पाठमे पुरुषद्वारा लगाएल जाएत अछि। पियड़ रङ्गक पाग मुख्य रूपसँ विआह उत्सवमे सम्मिलित होमएवला लोकसभद्वारा लगाएल जाइत अछि तँ छोट बच्चा आ मनुष्यसभ उजर रङ्गक पाग लगबैत अछि।
This article uses material from the Wikipedia मैथिली article पाग, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0 कऽ अन्तर्गत विषय सूची उपलब्ध अछि । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मैथिली (DUHOCTRUNGQUOC.VN) is an independent company and has no affiliation with Wiki Foundation.