नालन्दा

ई प्राचीन भारत मे उच्च शिक्षा क सर्वाधिक महत्वपूर्ण आ विख्यात केन्द्र छल । महायान बौद्ध धर्मक ई शिक्षा-केन्द्रमे हीनयान बौद्ध-धर्म लगायत अन्य धर्मसभक तथा अनेक देशसभक छात्र पढ़ैत छल । वर्तमान बिहार राज्यमे पटना सँ ८८.५ किलोमीटर दक्षिण-पूर्व आ राजगीर सँ ११.५ किलोमीटर उत्तरमे एक गामक लग अलेक्जेन्डर कनिङ्घम द्वारा खोजल गेल ई महान बौद्ध विश्वविद्यालयकें भग्नावशेष एकर प्राचीन वैभवक बहुत किछ स्मरण कराबैत अछि । अनेक पुराभिलेखसभ आ सातम शताब्दीमे भारत भ्रमणक लेल आएल चीनी यात्री ह्वेनसाङ्ग तथा इत्सिङ्गक यात्रा विवरण सँ ई विश्वविद्यालयकें बारेमे विस्तृत जानकारी प्राप्त होएत अछी । एहि ठाम १०,००० छात्रसभ कऽ अध्यन करवाकलेल २,००० शिक्षक छल ।