Universitas Islam Madura Pamekasan

Rektor è taon 2010 iyâ arèya Sohibuddin. Rektor sajjhâk taon 2014 èobâ bi' Ahmad, S.Ag., M.Pd.

Universitas Islam Madura (UIM) èpaddhâk bi' tokoh Nahdlatul 'Ulama sè dhâddhi pangaso Pondok Pesantren Rajâ è Kabupatèn Mekkasân, è antarana:

1. KH. Ach. Syarqawi, MA. (Alm). — Pangaso PP. Matsaratul Huda Panempan Mekkasân.

2. RKH. Abd. Hamid Mu'in (Alm). — Pangaso PP. Miftahul Ulum Bettet Mekkasân.

3. KH. Asy'ari (Alm). — Pangaso PP. Kebun Anyar Kacok Palengaan Mekkasân.

4. KH. Shidqi Mudhar (Alm). — Pangaso PP. A-Huda Duko Tèmor Larangan Mekkasân.

5. KH. Moh. Lutfi Thoha (Alm). — Pangaso PP. Al-Falah Sombhèr Gâjhám Kadur Mekkasân.

Bâkto taon ajhârân 1988/1989, Yayasân Universitas Islam Madura (sè epaddhâk para olama' Nahdlatul 'Ulama Mekkasân) maddhâk lembaga pendidikan tinggi Islam sè eberri' nyama UNISMA (Universitas Islam Madura) kalabân 2 (ḍuwâ') fakultas, arèya Fakultas Tarbiyah (Jurusan Pendidikan Agama Islam) bân Fakultas Syari'ah (Jurusan Peradilan Agama). Polana è bâkto rowa tabentor bân atoran pamaddhâghân Universitas e taon jèya kèya UNISMA eobe dhâddhi Institut Islam Madura (IIM) YUNISMA (pagghun etoro'è nyama YUNISMA ebuḍina) kalabân kaḍuwa' fakultas bân jurusan sè paḍâ. Ghâbây magenna' parsyaradhân sè la etentoaghi ḍâlem amaddhâk Institus (IIM YUNISMA) e bhâkto rowa kèya bânnya' ngalamè cobhâ, sahenggâ ahèrra bhâkto taon ajhârân 1989/1990 IIM YUNISMA eobe pole dhâddhi Sekolah Tinggi, arèya Sekolah Tinggi Ilmu Tarbiyah (STIT) bân Sekolah Tinggi Ilmu Syari'ah (STIS) kalabân 2 (ḍuwâ') jurusan sè paḍâ kèya (STIT-STIS pagghun etoro'è nyama YUNISMA) pas dhâddhi STIT-STIS YUNISMA Pamekasan adhâsaraghi Sorat Kapotosan Menteri Agâma RI, Nomor: 207 taon 1991.

Ḍâlem parkembhângan samarèna adhâsaraghi Sorat Kaputusân Menteri Agâma RI, Nomor: E/188/1996 tangghâl 12 Novembèr 1996, STIT-STIS YUNISMA elebbhur dhâddhi sèttong, sè anyama Sekolah Tinggi Agama Islam (STAI) YUNISMA Pamekasan kalabân kaḍuwâ' jurusan sè bâḍâ, sampe' olle status Terakreditasi (peringkat B) ḍâri BAN-PT Depdiknas RI Nomor: 004/BAN-PT/Ak-IV/IV/2000 (ghâbây Jurusan Pendidikan Agama Islam).

Ḍâlèm rangka arespon parkembhângan jâman bân ghâbây magenna' aspirasi masyarakat sè tombhu husussâ masyarakat Madhurâ sè bhuto lembaga pendidikan tinggi sè lengkap bân anḍi' differensiasi kajiân kaèlmoan sè memadai (mengintegrasikan èlmo omom bân èlmo agâma), kantos Yayasan UIM molaè taon ajhârân 2000/2001 angembhângaghi bân angobe nyama STAI YUNISMA dhâdhi Universitas Islam Madura (UIM) kalabân sorat rekomendasi Kopertis Wilayah VII Jâbhâ Tèmor Nomor: 0949/007/AK/2000, mokka' 6 (ennem) fakultas kalabân 17 program studi anyar sè pas olle ijin pamaddhâghân Universitas Islam Madura ḍâri Mendiknas RI Nomor: 59/D/2002, tangghâl 4 April 2002. Sè dhâfdhi Rektor UIM kaḍâ' iyâ arèya Prof. Drs. H. Sunardji Dahri Tiam sampe' ḍâ' ahèr taon 2003 bân samarena rowa eghânte bi' Drs. H. Sahibuddin, SH., M.Pd. kaangghuy periode 2004-2007 bân 2007-2011, sârta epalanjeng sampe' ḍá' taon 2013. E ahèr taon ajhârân 2013/2014 Universitas Islam Madhurâ ngalakonè pelean rektor anyar sè pas epele Ahmad, S.Ag., M.Pd. sè sabelluna ajabat dhâddhi Dhunorra Rektor II.

Ḍâlem kurun bâkto 14 taon, UIM la anḍi' 7 (petto') fakultas, tamasok STAI YUNISMA sè pas dhâddhi FAI (Fakultas Agama Islam) adhâsaraghi sorat kapotosan Ditjen Bagais Depag RI, Nomor: Dj.II/35/2003.

Kalabân rèya Universitas Islam Madura (UIM) aropaaghi obâ'en bhângon bân parkembhângan kalembagaan ḍâri Sekolah Tinggi (STAI) dhâddhi Universitas bâkto taon 2000 bân olle ijin ḍâri Depdiknas RI. No. 59/D/0/2022. UIM Pamekasan bhâkal konsisten ḍâ' tojjuwân awwâlla sè la erancang bi' para pamaddhâk ghâbây anyetak sarjana muslim paripurna angoasaè èlmo pangataowan bân teknologi, profesional bi' aèman bân ataqwâ, sârta anḍi' andhâp asor.