Rana (Madhurâ:ꦫꦤ) otabâ pamantèk potrèt ḍâlem istila fotografi iyâ arèya lambhu ḍâ' kamera sè notopè ḍásar otabâ sensor foto.
Mon lambhu rèya èbukka' pas bhâkal dhâddhi pajanan ḍâ' ḍâsar fèlem otabâ sensor foto ghâlle'.
Molana rana èghâbây ḍâri lempengan logam, namong kabânnyaan kamera modern ngangghuy panotop sè èghabây ḍâri kaèn kaangghuy ngorangi berrâ' kamera bân kaangghuy ngaolle santa'na rana sè lebbi tèngghi. Panotop sè èghâbây ḍâri kaèn anḍi' kakowaḍân ra-kèra 50.000 sampè' 200.000 kalè proses bukka'-totop (ngalakonè pajanan). Kaèn panotop sè aus otabâ rosak bisa ghâmpang èghântè è posat ladhinan purna juwâl mèrek kamèra sè takaè'.
Abiḍḍhâ lambhu rèya èbukka' apa can pangatoranna santa'na rana è kamera.
Ngaḍâsarraghi lettagghâ, èkenal ḍuwâ' macem rana, arèya rana sentral bân rana biḍâng fokal.
Rana biḍâng fokal (en:focal plane shutter, FP shutter) iyâ arèya rana sè èpasang è aḍâ' biḍâng fokal.
Bhâkto awwâl ètèmmoè dguerreotype è taon 1839, kamera èrancang kalabân ta' èlengkapè rana polana ta' èbhutoaghi sensitivitas tèngghi ḍâlem kimiawi. Bhâkto rowa pajanan èokor ḍâlem bitongan mènnit polana diameter tingkap sè palèng kennè' (kamera lobang jarum). Fotografer bisa kalabân ghâmpang angator abiḍḍhâ pajanan ngangghuy lens cap otabâ lens plug kaangghuy mukka' bân notop lensa.
Kalabân nigkataghi sensitivitas proses kimiawi pencetaghân foto è ra-kèra taob 1800, lensa bi' tèngkâp lebbhi pèndâ' sampè' ètongan detik. Kalabân jâlânna kaangghuy ngator abiḍḍhâ bhâkto pajanan molaè ècèptaaghi bân dhâddhi patoghânna kamera.
This article uses material from the Wikipedia Madhurâ article Rana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kontèn tasaḍiyâ è CC BY-SA 4.0 kajhâbhâ bâḍâ katrangan laèn. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Madhurâ (DUHOCTRUNGQUOC.VN) is an independent company and has no affiliation with Wiki Foundation.