Maher Zain: Produser musik asal Swedia

Ḍâri Bannya’na penggemar è akun Facebook andi’na, Maher Zain dhâddhi bintang è dâlem musik Islam modern. Maher nolès album kapèng siètong ajudul Thank You Allah taon 2009 bi' perusahaan Awakenig Records bân dhâddhi album sè sukses ngangka’ pamor musik Islam è dhunnya. Album sè kapèng ḍuwâ’ sè ajudul Forgive Me èrilis taon 2012 sareng label sè samè jhughân è taon 2016. Maher arilis album One sareng label sè samè jhughân.

Kaoḍi'en awwâl

Bhâlâ Maher Zain ngallè ka Swedia nalèka Maher Zain omor 8 taon. Maher mamarè kuliana bân ollè gellar sarjana dhâlem bidang Teknik penerbangan. Samarèna lulus, Maher masok industri musik è Swedia bân alako sareng Nadir Khayat (RedOne), produser musik Swedia kalahèran Maroko è taon 2005. Samarèna RedOne ngallè ka New York taon 2006, Maher èntar ka Amerika Serikat bân masok industri musik èdissa. Maher dhâddhi produser rekaman sareng penyanyi R&B asal Amerika Kat DeLuna.

Maher Zain mamotos abâli ka Sweḍia bân ngallè lako dhâddhi tokang nyanyi bân tokang nolès lagu sè anoansa islami sareng religius.

Kasoksèsen

È bulân Januari 2009, Maher alako sareng perusahaan musik Islam Awakening Records molaè aghâbây proyek album dhâ’adhâ’na bân dibudina è tangghâl 1 November 2009,album dhâ’adhâ’na Maher èrilis sareng nyama Thank You Allah. Album rowa aèssè lagu sareng 2 lagu tambâ’ân. Album rèya èrilis polè dâlem versi perkusi bân versi bhâsa Prancis sè bâḍâ è sala sèttong lagu rowa.

Usahana  Awakening Records bân Maher Zain dhâlem apromosi’i album dhâ’adhâ’na sangat sukses sareng aghuna’aghi media sosial Facebook, Youtube, sarta Itunes. È awwâl 2010, lagu-laguna è album rowa dhâddhi terkenal è tèmor tèngnga sarta ngagodâdhân muslim è naghârâ-naghârâ bârâ’. Ahèr 2010, rowa dhâddhi artis sè segghut èsarè lèbèt Google è Malaysia. Inḍonesia  bân Malaysia aropa’aghi duwâ’ naghârâ sè masukses Maher Zain karana album rowa ollè brâmpan platinum sareng perusahaan musik asal Malaysia Warner Music Malaysia bân asal Inḍonèsia Universal Music Inḍonèsia. È Malaysia, Album rèya èjhuwâl palèng tègghi è taon 2010.

È bulân April 2012, rowa arilis album sè duwâ’ sè ajudul Forgive Me. Ḍâlem album rèya, Maher Zain mamasok lagu-lagu sè lèbbi dinamis sarta modern è bhândhingaghi sareng album sabelluna. Maher ta' coma anyanyi dhâlem bhâsa Inggris malolo, tapè padâ bisa anyanyè sareng bhâsa laèn. Lagu “InshaAllah” è album dhâ’adhâ’na rowa ènyanyèaghi sareng brâmpan bhâsa yani Arab, Turki, Prancis, Malaju sarta Inḍonèsia. Lagu laèna kadhi “Allahi Allah Kiya Karo” ènyanyèaghi ngangghuy bhâsa Urdu è bâgiyân Reffna bân ènyanyèaghi abhâreng sareng tokang nyanyi muslim asal Kanada Irfan Makki.

Maher segghut mabâdâi konser è brâmpan naghârâ kadhi Inggris, Amerika Serikat, Arab Saudi, Mesir, Malaysia, bân Inḍonesia. Dhibi’en jhughân andik kalompok penggemar è sadhâjâna dhunnyah kadhi Malaysia, Maroko, Mesir, bân laenna.

È acara kompetisi “Awakening Talent Contest” sè è bâḍâaghi bi’ Awakening Records taon 2013, Maher è pèlè dhâddhi juri dâlem acara untuk nyarè penyanyi muslim bân sè berbakat.