Heldy Djafar

Heldy Djafar lahèr ḍâri H. Djafar ban Hj Hamiah. Dhibien iyâ arèya ana' bungso sanga’ satarètanan. Dhibiín akabin sareng Soekarno è taon 1966. È bhâkto rowa Soekarno aomor 65 taon samantara Heldy Djafar aomor 18 taon. Saksèna katowa DPA Idham Chalid bân Menteri agama Saifudin Zuhri.

Kaḍuwâna akabin coma sampè’ ḍutaon. È bhâkto jarèya kabâḍâ'ân politik sajen ta' tanto. Komunikasi ta' ajhâlân lancar saampon Soekarno dhâddhi tahanan è Wisma yaso. Jhâlân Gatot Subroto. Heldy sempat ngoca' terro apèsa, tapè Soekarno ta' ghellem kajhâbâ matè.

Akhèrra, è tangghâl 19 Juni 1968, Heldy se aomor 21 taon akabin polè bân Gusti Suriansyah Noor, toronan ḍâri Kerajaan Banjar. È bhâkto ajiya Heldy parappa’ ngandung towa olle kabhâr Soekarno sèdhâ. Soekarno sèdhâ è tangghâl 21 Juni 1970, è omor 69 taon. Ḍa' budi, sèttong ḍâri ennem ana’na, Maya Firanti Noor, akabin ben Ari Sigit, kompoy Prèsiḍèn RI kapèng ḍuwâ', Soeharto.

Heldy rèmbi’ è Tenggarong, Kutai Kartanegara, Kalimantan Tèmor, è tangghâl 10 Agustus 1947 dâri H Djafar bân Hj Hamiah, bungsoh dâri sanga’ satarètanan, è bhâkto Hj Hamiah ngandung Heldy, binè’ ajiya toman ngatèla’ bulân bungkol (bulân purnama). Pas kancana H Djafar sè parappa' namoy ka romana (Tionghoa) ngocak jhâ’ ḍâgghi' bhâji’en rèmbi’ kodhu èjâgâ ngastètè kantos rajâna. Bâjâ Heldy la masok SMP, majhâdi’ sè èangghâp tokang aramal bân biasah èolok Mbok Nong ngoca’ jhâ’ paghi’ bilâ dhibâsah, arowa bhâkal ollè “orèng rajâ”. Ḍâri kènè’, Heldy khatam maca Al-Qur’an.

Erham, kaka’ ghândhu’ Heldy sè palèng towah ngoca’, rèng towanah cokop terpandang è daèrana. Romana rèng towana Heldy iya arèya roma pangghung. Bangunanna lanjhâng ka èrèng sampè’ 30 mèter bân lanjhângnga ka budi 40 mèter. Èghâbây dâri kajhuh sareng ata’ roma sè tègghina empa’ meter bân andi’ kaca sè lanjhâng ka bâbâ ngangghuy kajhuh, pas alapès kaca è lowarra. Jumlah candilana  cokop bânnya’. Èattas labâng romana ètolès taon è bangun roma jarèya, taon 1938.

È bhâkto panompang motor nyebarraghi lambâr èssèna pangumuman jhâ bâdâ pidato Prèsiden Soekarno è Samarinda, kaka’en Heldy, Yus, ngèrèng ngala’ lambêrân jarèya samba manjhêng è paghâr romana, Jhâlân Mangkurawang, Heldy nangis terro katemmo bân Presiden, tapèh è tola’.

Bhakto terros ajhâlân, Heldy bannyâ' è kalèburi ca kancana, è bhâkto jarèya Heldy ghi' toju' e bangku SMP sè bâdâ è Ghunung Pedidi, jhâlân Rondong, Demang tenggarong, Kutai Kartanegara, Kalimantan Tèmor. è bhâkto ajiya dhibiín ghi' toju' è bangku SMP kellas tello', Heldy ngallè ka sèttong sakolah SMP è samarinda. Heldy ngallè polana bâdâ Nasionalisasi Perusahaan-perusahaan Bâlândhâ, sè madheddhi H Djafar, ramana Heldy samantara istirahat dâri lakona è Oost Borneo Maatschapppij.