ອີຕາລີ

ປະເທດອີຕາລີ (ອັງກິດ: Italy; ອິຕາລີ: Italia, ອອກສຽງ:  ( ຟັງສຽງ)) ມີຊື່ທາງການແມ່ນ ສາທາລະນະລັດອີຕາລີ (ອັງກິດ: Italian Republic; ອິຕາລີ: Repubblica Italiana, ອອກສຽງ: ) ເປັນ​ປະ​ເທດ​ໃນ​ພາກ​ພື້ນ​ເອີຣົບໃຕ້ ແລະ ຍັງຖືເປັນສ່ວນໜຶ່ງຂອງເອີຣົບຕາເວັນຕົກ ຕັ້ງຢູ່ເທິງແຫຼມຂອງອິຕາລີ ແລະ ຖືກແຍກອອກໂດຍແອລປ໌ທາງຕອນເໜືອ ອີຕາລີເປັນລັດດຽວເຊິ່ງປົກຄອງດ້ວຍຮູບແບບສາທາລະນະລັດລັດຖະສະພາ ມີເມືອງຫຼວງ ແລະ ເມືອງໃຫຍ່ທີ່ສຸດແມ່ນ ນະຄອນໂຣມ ແລະ ມີສູນກາງເສດຖະກິດຢູ່ທີ່ມິລານ ອີຕາລີມີພື້ນທີ່ 301,340 ຕາລາງກິໂລແມັດ ມີຊາຍແດນຕິດກັບປະເທດຝຣັ່ງ, ສະວິດເຊີແລນ, ໂອຕະລີດ, ສະໂລເວນີ ແລະ ມີດິນແດນວົງລ້ອມຂະໜາດນ້ອຍຕັ້ງຢູ່ພາຍໃນດັ່ງນີ້:ນະຄອນວາຕິກັນ ແລະ ປະເທດຊັງມາລີໂນ ມີປະຊາກອນ 60 ລ້ານຄົນ ຫຼາຍທີ່ສຸດເປັນອັນດັບທີ 3 ໃນສະຫະພາບເອີຣົບ.