ປະເທດກົວເຕມາລາ
ກົວເຕມາລາ (ຫຼື ສະກົດ ກວາເຕມາລາ; ແອັດສະປາຍ: Guatemala) ມີຊື່ຢ່າງເປັນທາງການວ່າ ສາທາລະນະລັດກົວເຕມາລາ (ແອັດສະປາຍ: República de Guatemala) ແມ່ນປະເທດໃນພາກພື້ນອາເມລິກາກາງ ຕັ້ງຢູ່ທາງຕອນໃຕ້ຂອງທະວີບອາເມລິກາເໜືອ ມີຊາຍຝັ່ງຕິດກັບທັງມະຫາສະໝຸດປາຊີຟິກແລະທະເລກາຣາອິບ ພົມແດນດ້ານຕາເວັນຕົກຈົດເມັກຊິກ ຕາເວັນອອກສຽງເໜືອຈົດເບລິດ ແລະຕາເວັນອອກສຽງໃຕ້ຈົດຮົງດູຣັດແລະຊານວາດໍ.
ປະຊາກອນສາດ
ປະເທດກົວເຕມາລາມີປະຊາກອນທັງໝົດປະມານ 14,647,083 (ປີ ຄ.ສ. 2014) ເຊິ່ງແມ່ນປະເທດທີ່ມີປະຊາກອນຫຼາຍເປັນອັນດັບທີ 70 ຂອງໂລກ.
ເຊື້ອຊາດ
ປະເທດກົວເຕມາລາມີປະຊາກອນທີ່ມີເຊື້ອຊາດຫຼາກຫຼາຍ ມີຜູ້ທີ່ມີເຊື້ອສາຍເມສະຕີໂຊ (ລູກຊອດຊາວແອສະປາຍແລະຊາວພື້ນເມືອງ) ແລະຜູ້ທີ່ມີເຊື້ອສາຍເອີລົບ ປະມານ 59.4% ສ່ວນທີ່ເຫຼືອແມ່ນຊາວພື້ນເມືອງອື່ນ ໆ (ປີ ຄ.ສ. 2001).
ພາສາ
ພາສາລັດຊະການຂອງປະເທດແມ່ນພາສາແອສະປາໂຍນເຊິ່ງມີຜູ້ເວົ້າເປັນພາສາທຳອິດປະມານ 60% ຂອງປະເທດ ສ່ວນທີ່ເຫຼືອແມ່ນພາສາຊາວພື້ນເມືອງຂອງ ເຊິ່ງແມ່ນພາສາທີ່ເຄີຍເວົ້າກັນຢ່າງແພ່ຫຼາຍໃນປະເທດກ່ອນທີ່ກົວເຕມາລາຕົກເປັນຫົວເມືອງຂອງຈັກກະວັດແອສະປາຍ ພາສາຊາວພື້ນເມືອງທີ່ລັດຖະບານກົວເຕມາລາຮັບຮູ້ມີ 23 ພາສາ.
ສາສະໜາ
ຊາວກົວເຕມາລານັບຖືສອງສາສະໜາຫຼັກ ໆ ໄດ້ແກ່ ສາສະໜາຄະລິດ ແລະ ສາສະໜາທ້ອງຖີ່ນຂອງຊາວມາຢາຕ່າງ ໆ ໂດຍສາສະໜາຄະລິດແບ່ງອອກເປັນສອງນິກາຍ ແມ່ນ ໂຣມັງກາໂຕລິກ ແລະ ປະໂຣແຕສະຕັງ.
ອ້າງອີງ
This article uses material from the Wikipedia ລາວ article ປະເທດກົວເຕມາລາ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.