Ɛ Mamá Maria Mbɔ́tɛ!
«Ɛɛ mamá Maria mbɔ́tɛ!» ezalí nzémbo ya Maria ya Eklesya Katolike na lokótá lingála.
Loyémbo
R. Ɛɛ mamá Maria mbɔ́tɛ!
Ɛɛ mamá wa Yézu mbɔ́tɛ!
Osengela bísó na mwána wa yó Yézu
Mamá Maria mbɔ́tɛ
1. Mokili mobimba mozalí na mpási;
Mamá Maria mbɔ́tɛ!
Mokili mobimba mozali mpó ya yó;
Mamá Maria mbɔ́tɛ!
2. Tozangi elóko ya kopesa yó,
Mamá Maria mbɔ́tɛ!
Kamata ko, Mamá, losambo la bísó,
Mamá Maria mbɔ́tɛ!
3. Mokonzi Yézu mwána wa yó;
Mamá Maria mbɔ́tɛ!
Olopesa bolingi bwa mwána wa yó,
Mamá Maria mbɔ́tɛ!
4. Bana ba yó banso bazalí kosénge yó;
Mamá Maria mbɔ́tɛ!
Mokili mobimba mozalí se mókó,
Mamá Maria mbɔ́tɛ!
5.Olotindela mwínda mwa mwána wa yó;
Mamá Maria mbɔ́tɛ!
Tozwa bolámu, tokom' o likolo,
Mamá Maria mbɔ́tɛ!
Tálá mpé
This article uses material from the Wikipedia Lingala article Ɛ mamá Maria mbɔ́tɛ!, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingala (DUHOCTRUNGQUOC.VN) is an independent company and has no affiliation with Wiki Foundation.