Amoxicilline, ekokomamaka lisusu mpe bo amoxycilline to amox, eza antibiotique eye esalisaka mpeza mpo na kotraiter ba infection ya bactérie ya ndenge na ndenge. Eza nkisi ya yambo eye bapesaka mpo na ba infection ya libanda ya matoyi.
Bakoki mpe kosalela yango mpo na mpasi ya kingo, pneumonie, ba infection ya loposo, mpe ba infection ya nzela ya masuba. Bamelaka yango na monoko.
Ba effet secondaire oyo eyebani mingi eza nausée na mokosa. Ekoki mpe kobakisa risque ya ba infection ya ba mycoses mpe, ntango basaleli yango elongo na acide clavulanique, ekoki komema pulupulu. Esengeli te kopesa nkisi oyo na baye bazali na allergie na penicilline. Ntango yakosalela yango na baye baza na mikakatano ya rein, esengeli kokitisa dose. Kosalela yango na eleko ya zemi mpe ya komelisa mwana libele emonani neti eza na mindondo te.
Amoxicilline ebandaki kozwama mbala ya yambo na mobu ya 1972. Nkisi oyo eza na Liste ya ba Nkisi ya Ntina ya Organisation Mondiale ya Santé, nkisi ya ntina mpeza oyo esengeli kozanga te na ba lopitalo. Nkisi oyo ezali moko ya ba antibiotique oyo mingi mingi minganga balakelaka bakoni. Amoxicilline eza kozwama bo générique. Talo mpo na kosamba yango na mipiko-mipiko eza kati ya 0.02 na 0.05 USD na mbuma. Na Etats Unis mikolo zomi ya kozwa traitement na nkisi oyo eza 16 USD.
This article uses material from the Wikipedia Lingala article Amoxicilline, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingala (DUHOCTRUNGQUOC.VN) is an independent company and has no affiliation with Wiki Foundation.