Sbrisolòna

Quest articol chì l'è scrivuu in lombard, grafia milanesa.

Sbrisolòna
Sbrisolònn confezionaa.
Origen
Alter nòmm	sbrisulùsa, rosegòtta
Pòst d'origen	Italia
Region	Lombardia
Area de produzion	Mantova e provincia
Dettaj
Categoria	dolz
Reconossiment	P.A.T.
Ingredient principaj	farina gialda, farina bianca, armandoj, zuccher, butter, oeuf, pell de limon.

El nòmm el riva dal nòmm brìsa, che in dialett mantovan el voeur dì freguja, e par che la rizetta a l'è de prima del '600, inquand a l'è rivada anca a la cort di Gonzaga.

La sbrisolòna a l'è ona torta de origen pòvera: al principi infatt, i ingredient a eren chei tipici de la tradizion contadina (farina de formenton, strutt e niscioeul) ma, poeu nel cors di agn, a s'hinn raffinaa. La rizetta incoeu la voeur che i farinn (bianca e gialda) e 'l zuccher sarissen in part inguaa, e proppi per chesta rason chì, in passaa, chest dolz chì a l'era proppi ciamaa "tort di trii tazz". Oltra, i ingrendient gh'hann minga de vess maseraa e, anzi, la robba pussee caratteristega de la sbrisolòna a l'è proppi la sò consistenza minga regolara, dovuda a la lavorazion svelta e al taj grossolan di armandoj.

La se destingu da alter preparazion, proppi per el metod de lavorazion e per comè la vegn servida: infatt, chest dolz chì el se taja minga in fett regolar, ma 'l gh'ha de vess spezzaa cont i man. A l'è tradizion majà la torta bagnandola cont la grappa. El se consilia de compagnàlla cont on quai vin liquoros comè la Malvasia, el Vin Sant putost che 'l Passii de Pantelleria.

In Veneto, la vegn comunement ciamada anca "rosegòtta" e "fregolòtta", termen chest'ultem che indica anca on'altra torta simil comè.

•   Wikizzionari el gh'ha dent el lema de dizzionari «Sbrisolòna»
•   Wiki Commons el gh'ha dent imagin o alter archivi su Sbrisolòna

• Gino Brunetti (a cura di), Cucina mantovana di principi e di popolo. Testi antichi e ricette tradizionali, Mantova, 1981. (ISBN miga dispunìbil).

• Prodott agher-alimentar tradizionaj lombard