La Revoluzion de Velluu (in lengua ceca sametová revoluce) o Revoluzion tendra (in lengua slovacca nežná revolúcia) a l'è stada la transizion di poder non violenta suceduda in Cecoslovacchia in tra el 17 de november al 29 de dicember 1989 e che l'ha vist i gent volzàss contra del Partii Comunista de la Cecoslovacchia e in favor de on sistema politegh democratich e plural, e l'ha menaa a la fin di 41 agn de poder ininterrot di comunista.
El 17 de november in occasion del regord de l'invasion nazista de la Cecoslovacchia, i student han manifestaa e la Polizia l'ha repress con violenza i manifestazion. El 20 de november i cittadin a hinn andaa massivament in piazza. El 24 de november l'élite comunista la se dimett e 'l 28 de november i comunista nonzien de renonzià al poder e 'l 30 a l'è tolt via de la Costituzion el podè comunista. In di primm dì de dicember hinn tolt via i barrier de fil spinaa a la frontiera con la Germania de l'Ovest e l'Austria.
El 10 de dicember el President Gustáv Husák el nomena el primm governo largament minga comunista e 'l se dimett. El 28 de dicember Alexander Dubček l'è elegiuu President del Parlament Federal Cecoslovacch e 'l 29 Václav Havel l'è elegiuu President de la Cecoslovacchia. In del giugn 1990 a gh'è i primm elezion democratich dal 1948.
This article uses material from the Wikipedia Lumbaart article Revoluzion de Velluu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.